TATની પરીક્ષા જાહેર, 5 થી 15 જુલાઇ સુધી ઉમેદવારો ફોર્મ ભરી શકશે

રાજ્યમાં TATની પરીક્ષાને લઈ ઉમેદવારો ઘણા સમયથી તૈયારી કરી રહ્યા હતા. અઅ દરમિયાન પરીક્ષાને લઈ મહત્વના સમાચાર આવ્યા છે. આગામી 6 ઓગસ્ટના રોજ પ્રાથમિક પરીક્ષા લેવામાં આવશે. જે બહુવિકલ્પ હશે. જ્યારે 17 સેપ્ટેમ્બરે મુખ્ય પરીક્ષા (વર્ણનાત્મક લેખિત સ્વરૂપ) યોજાશે. TATની પરીક્ષા માટે 5 જુલાઈથી 15 જુલાઈ સુધી ઉમેદવારી પત્ર ભરી શકાશે. 5 જુલાઈથી 17 જુલાઈ સુધી ફી સ્વીકાર કરવામાં આવશે. ઓનલાઈન રજિસ્ટ્રેશન ફોર્મ અને નેટ બેકિંગ મારફત ફી ભરી શકશે.

નવી શિક્ષણ નીતિ મુજબ લેવાશે પરીક્ષા
શિક્ષક અભિરૂચિ કસોટી (ઉચ્ચતર માધ્યમિક) TAT-HIGHER SECONDARY  પરીક્ષાનો કાર્યક્રમ જાહેર કરી દેવામાં આવ્યો છે. ત્યારે ઉમેદવારો http://ojas.gujarat.gov.in પર ઓનલાઈન રજિસ્ટ્રેશન ફોર્મ અને નેટ બેકિંગ મારફત ફી ભરી શકશે. રાજ્ય પરીક્ષા બોર્ડે પરીક્ષા અંગે જાહેરાત કરી છે. આ પરીક્ષા નવી શિક્ષણ નીતિ મુજબ લેવાશે.

પરીક્ષાનું જાહેરનામું

• જાહેરનામું પ્રસિદ્ધ થયાની તારીખ 1/7/2023
• ઉમેદવારો માટે રજીસ્ટ્રેશન ફોર્મ ઓનલાઈન ભરવાનો સમય- 5/7/2023 થી 15/7/2023
• નેટબેન્કિંગ મારફત ફી સ્વીકારવાનો સમય – 5/7/2023 થી 17/7/2023
• પ્રાથમિક પરીક્ષા (બહુવિકલ્પ સ્વરૂપ ) – 6/8/2023
• મુખ્ય પરીક્ષા વર્ણનાત્મક સ્વરૂપ – 17/9/2023