સુરતમાં ભારે હવામાં પાણીની ટાંકી ઉડીને રસ્તે જતા યુવકના માથે પડી, વીડિયોમાં કેદ થઈ ઘટના

વિગતો મુજબ, સુરતના ભેસ્તાન વિસ્તારમાં ભારે પવનના કારણે ઘરના ધાબા પર રાખેલી પ્લાસ્ટિકની એક ટાંકી પતંગની જેમ હવામાં ઉડીને રોડ પર જતા યુવક પર પડે છે. હવામાં ઊડીને નીચે પડે છે. આ જ સમયે એક યુવક ચાલીને જઈ રહ્યો હોય છે અને ટાંકી આવીને સીધી તેના પર જ પડે છે. ત્યારે આસપાસના લોકો તેને બચાવવા માટે દોડી આવે છે. ટાંકી દૂર કરીને યુવકને બહાર કાઢે છે. યુવકને ઘટનામાં ઈજા પહોંચી હોવાના કારણે હાલમાં તેને હોસ્પિટલમાં લઈ જવામાં આવ્યો છે. ચોંકાવનારી બાબત એ છે કે 1 સેકન્ડ પહેલા જ ત્યાંથી પસાર થાય છે, સદનસીબે તેનો જીવ બચી જાય છે અને તે આગળ જાય છે એટલી વારમાં ટાંકી આવીને યુવક પર પડે છે. સમગ્ર ઘટના સીસીટીવી કેમેરામાં કેદ થઈ જાય છે.