મોરબીમાં મચ્છુ માતાજીની ભવ્ય રથયાત્રા યોજાઈ, શ્રદ્ધાળુઓએ રાસ-ગરબા અને હુડા રાસની બોલાવી રમઝટ

Machhu Mata Rath Yatra in Morbi : આજે મોરબીમાં મહેન્દ્રપરા ખાતેથી મચ્છુ માતાજીની રથયાત્રાનો શુભારંભ થયો હતો. જેમાં રબારી અને ભરવાડ સમાજના લોકો સહિતના વિવિધ સમાજના શ્રદ્ધાળુઓ મોટી સંખ્યામાં જોડાયા હતા. આ માલધારી સમાજના લોકો પરંપરાગત વેશભૂષા ધારણ કરી રથયાત્રામાં જોડાયા હતા. મચ્છુ માતાજીના કાંઠે પહોંચીને રથયાત્રા પૂર્ણ કરાઈ હતી. તો આ પ્રસંગે મચ્છુ માતાજીના મંદિરે મહાઆરતી, મહાપ્રસાદ (ફરાળ), ડાક ડમરૂ સહિતના કાર્યક્રમોનું પણ આયોજન કરવામાં આવ્યું હતું.