અમદાવાદના આલ્ફા વન મોલમાં તોડફોડઃ VHP અને બજરંગ દળે કર્યો પઠાણનો વિરોધ

અમદાવાદના આલ્ફા વન મોલમાં પઠાણ ફિલ્મના પોસ્ટર્સ હતા જેની સામે બજરંગ દળ અને વીએચપી દ્વારા વિરોધ પ્રદર્શન કરવામાં આવ્યા હતા. જોકે વિરોધ પ્રદર્શનના નામે રીતસર અહીં હંગામો મચાવી મુક્યો હતો. અહીં દળો દ્વારા પઠાણ ફિલ્મના પોસ્ટર્સની તોડફોડ ઉપરાંત આગામી સમયમાં ફિલ્મ રિલિઝ કરવામાં આવશે તો અત્યંત આક્રમક વિરોધ કરશે તેવું પણ ચીમકી સ્વરૂપે કહ્યું હતું. ઉલ્લેખનીય છે કે હાલમાં જ લોક ગાયક રાજભા ગઢવીએ આ ફિલ્મ ગુજરાતમાં ક્યાંય પણ રિલિઝ ન થવી જોઈએ અને બધાને તૈયાર રહેવાનું કહીને ઉશ્કેરણી પણ કરતો વીડિયો સામે આવ્યો હતો. ઉલ્લેખનીય છે કે સેન્સર બોર્ડ દ્વારા ફિલ્મમાંથી આ સીનને હટાવવાની પણ વાત કરી હોવાનું સામે આવ્યું હતું. જોકે જે પ્રમાણેનો માહોલ અહીં અને અગાઉ સમાજ, ધર્મ અને કલા જગતના અગ્રણીઓ દ્વારા ઊભો કરવામાં આવ્યો તે પછી હવે આગામી સમયમાં વાતાવરણ તંગદીલ બને તેવી શક્યતાઓ જોવાઈ રહી છે.

#PathanMovie નો #Ahmedabad ના આલ્ફા વન મોલમાં બજરંગ દળ અને VHP દ્વારા વિરોધ, પોસ્ટર્સની તોડફોડ અને કર્યો હંગામો#Gujarat #GujaratTak pic.twitter.com/6ymCGmiWja

— Gujarat Tak (@GujaratTak) January 4, 2023