અમદાવાદઃ ફ્રીડમ પોસ્ટ મુકી મેડિકલના વિદ્યાર્થીએ અટલબ્રિજ પરથી કુદી કર્યો આપઘાત

અમદાવાદઃ અમદાવાદના અટલબ્રિજ પરથી મંગળવારે સાંજે એક યુવકે સાબરમતી નદીમાં મોતની છલાંગ લગાવી હતી. અહીં ફરવા આવેલા અનેક સહેલાણીઓ આ દૃશ્ય જોઈ સ્તબ્ધ થઈ ગયા હતા. ઘટનાને પગલે તુરંત ફાયર વિભાગના લાશકરો સ્થળ પર દોડી આવ્યા હતા. અને બે કલાકની મહેનત પછી યુવકને શોધ્યો હતો. જોકે ત્યાં સુધી યુવકનું મૃત્યુ થઈ ચુક્યું હતું. આ મામલે પોલીસે વધુ તપાસ હાથ ધરી હતી. જેમાં સામે આવ્યું કે આ યુવકે સોશિયલ મીડિયા એકાઉન્ટ પર ઘટનાના આઠેક કલાક પહેલા ફ્રીડમ પોસ્ટ મુકી હતી. જે પછી તેણે આ પગલું ભર્યું હતું.