Gujarat Weather: આગામી 3 કલાકમાં અહીં ભારે પવન સાથે વરસાદ, રાજ્યમાં આવતીકાલથી ફરી ચોમાસું વધશે આગળ

આગામી 3 કલાકમાં અહીં ભારે પવન સાથે વરસાદ

હવામાન વિભાગ દ્વારા કરવામાં આવેલ આગાહી અનુસાર, આગામી ત્રણ કલાક ભારે પવન અને ગાજવીજ સાથે છૂટાછવાયા વરસાદની આગાહી કરવામાં આવી છે. આગામી ત્રણ કલાકમાં અમરેલી, ભાવનગર, ભરૂચ, સાબરકાંઠા,ગીર સોમનાથ, દમણ દાદરા નગર હવેલી, નવસારી, વલસાડમાં આગાહી છે. જ્યારે દાહોદ, પંચમહાલ, વડોદરા, અમદાવાદ, ખેડા, આણંદ, ગાંધીનગર, સુરત, તાપી, ડાંગ, જુનાગઢ, પોરબંદરમાં સામાન્ય વરસાદની આગાહી છે.

Gujarat Rain Live Updates: નવસારીમાં ભારે પવન સાથે ધોધમાર વરસાદ, સુરત, ભાવનગરમાં પણ મેઘરાજાની એન્ટ્રી

રાજ્યમાં છેલ્લા 24 કલાકમાં 33 તાલુકામાં વરસાદ

રાજ્યમાં મંગળવારે 33 તાલુકાઓમાં વરસાદ નોંધાયો હતો. જેમાં જૂનાગઢના વિસાવદરમાં 1 ઈંચ, વલસાડના ધરપુરમાં 1 ઈંચ, તો સુરેન્દ્રનગરના થાનગઢમાં 21 મી.મી વરસાદ નોંધાયો હતો. આ ઉપરાંત અંકલેશ્વર, રાજુલા, નવસારીના ખેરગામમાં પણ વરસાદ પડ્યો હતો.