વડોદરાની વાલીઓને ચિંતામાં મુકતી ઘટનાઃ ધો.10ની વિદ્યાર્થિની થઈ ગર્ભવતી, સ્કૂલમાં ભણતા છોકરા સામે દુષ્કર્મની ફરિયાદ

વડોદરાઃ છેલ્લા કેટલાક સમયથી શાળામાં ભણતા બાળકો વચ્ચે પણ શારીરિક સંબંધોની ઘટનાઓ બને ત્યારે જાણે પશ્ચિમી હવાઓ અહીં વહેવા લાગી હોવાની અનુભૂતિ થાય છે. કિશોરાવસ્થામાં ગર્ભ રહી જવો અને જે બાળકનો પિતા છે તે જવાબદારી પણ ઉઠાવી શકે તેવો સક્ષમ ન હોવો અને માત્ર એટ્રેક્શનને કારણે જીંદગી ધૂળ થઈ જાય તેવી ઘટનાઓ બને તે ચિંતા જનક છે. માતા પિતા માટે ખાસ વડોદરાની આ ઘટના ચિંતા ઉપજાવે તેવી છે. અહીં એક નામાકિંત શાળામાં ધોરણ 10ની વિદ્યાર્થિની અને તે જ શાળામાં ભણતા વિદ્યાર્થી વચ્ચે કાચી ઉંમરનો પ્રેમ થાય છે અને તે પછી કિશોરીને ગર્ભપાત કરાવવા સુધીની નૌબત આવી જતા આખરે આ મામલે વિદ્યાર્થી પર દૂષ્કર્મની ફરિયાદ થતા તે વિદ્યાર્થી અને આ વિદ્યાર્થિની બંનેના ભાવી જોખમમાં મુકાયા છે.