EXCLUSIVE: હીરાબાને આ તકલીફ થતા U.N Mehta હોસ્પિટલમાં દાખલ કરાયા

હીરા બાના સ્વાસ્થય અંગે અધિકારીક બુલેટિન બહાર પડાયું
જો કે હીરાબાના સ્વાસ્થય અંગે યુ.એન મહેતા હોસ્પિટલ દ્વારા અધિકારીક રીતે બુલેટિન બહાર પાડવામાં આવ્યું હતું. જેમાં તેમની તબિયત સ્થિર હોવાનું હોસ્પિટલ તંત્ર જણાવી રહ્યું છે. જો કે તેમની સારવાર સેની ચાલી રહી છે તે અંગેની EXCLUSIVE માહિતી GUJARAT TAK પાસે છે. જેના અનુસાર હીરા બાને કફ થઇ જવાના કારણે તેમને શ્વાસ લેવામાં તકલીફ થતા યુ.એન મહેતા હોસ્પિટલ ખાતે લઇ જવાયા હતા.

કફની સમસ્યા થવાના કારણે શ્વાસ લેવામાં તકલીફ હતી
મોડી સાંજે હોસ્પિટલ ખાતે દાખલ કરવામાં આવ્યા હતા. જ્યાં તેમનો કોરોના ટેસ્ટ કરવામાં આવ્યો હતો. જો કે કોરોના રિપોર્ટ નેગેટિવ આવ્યો હતો. આ ઉપરાંત બ્લડ અને ઇસીજી સહિતના રિપોર્ટ કરવામાં આવ્યા હતા. જે તમામ રિપોર્ટ સારા આવ્યા હતા. રાત્રી દરમિયાન કફની સારવાર થતા હવે તેઓની સ્થિતિ સ્થિર છે. તેઓ ધીરે ધીરે રિકવર પણ થઇ રહ્યા હોવાનું હોસ્પિટલ તંત્ર જણાવી રહ્યું છે.