મોડાસાઃ ‘મારું દેવું વધી ગયું છે, મદદ કરો નહીં તો મરવા સિવાય રસ્તો નથી’- પોલીસકર્મીને આખરે મળ્યા રૂપિયા

રાજકોટના શિક્ષકે બનાવી સૌથી નાની હનુમાન ચાલીસા, વજન જાણી ચોંકી જશો

અગાઉ પણ 8 લાખ ગુમાવી ચુક્યો છે
મોડાસા રુરલ પોલીસમાં ફરજ બજાવતા કોન્સ્ટેબલે પોતાનો વીડિયો સોશયલ મીડિયા પર મુકી ક્યાંક જતા રહેતા ભારે ચકચાર મચી હતી. આ પોલીસ કોન્સ્ટેબલ નવઘણ ભરવાડે વીડિયોમાં કહ્યું હતું કે પોતે ઓનલાઈન ગેમમાં 24 લાખ રૂપિયા ગુમાવ્યા છે. પોલીસ તપાસમાં સામે આવ્યું છે કે અગાઉ પણ નવઘણ ઓનલાઈન 8 લાખ રૂપિયા હારી ચુક્યો છે. આમ ઓનલાઈન ગેમનો નશો ન માત્ર સામાન્ય લોકો પણ ભણેલા અને કાયદા કાનૂનની સમજ ધરાવતા પોલીસ કર્મચારીને પણ સકંજામાં લઈ ચુકી છે.

ડીવાયએસપીએ શું કહ્યું?
આ અંગે જિલ્લા ડીવાયએસપી કે જે ચૌધરી કહે છે કે, અમે આ વીડિયો સામે આવ્યા પછી નવઘણ ભરવાડની શોધખોળ ચાલુ કરી હતી. સતત કાર્ટવાહી ચાલતી હતી ત્યાં તેઓ આમતેમ રખડતા મળી આવ્યા હતા. અમે તેમની સાથે વાત કરી, તેમનું કાઉન્સેલિંગ કરીને તેમને આ બદીથી દૂર રહેવા સમજાવ્યા હતા. સાથે જ તેમણે વીડિયોમાં કહ્યું હતું કે, જો કોઈ મારી મદદ નહીં કરે તો મારે મૃત્યુ સિવાય કોઈ આસરો નથી તો તેના માટે પણ અમે યોગ્ય વ્યવસ્થા કરી છે. સાથે જ તેમને ફરીથી આ પ્રકારની લતમાં નહીં પડવા કહ્યું છે.

(ઈનપુટઃ હિતેષ સુતરિયા, અરવલ્લી)