યુવરાજસિંહના સમર્થનમાં કોંગ્રેસ? જાણો શું કહ્યું જગદીશ ઠાકોરે

કોંગ્રેસ દ્વારા જયભારત સત્યાગ્રહ અંતર્ગત મહીસાગર જિલ્લા સ્તરીય સંમેલન યોજવામાં આવ્યું હતું. સંમેલનને સંબોધતા જગદીશ ઠાકોરના ભાજપ પર આકરા પ્રહારો કર્યા હતા. તેણે ભાજપના શાસનને હિટલરો અને તાનાશાહી શાસન ગણાવ્યું હતું. યુવરાજસિંહને લઈ મહત્વનું નિવેદન આપ્યું હતું. તેમણે કહ્યું હતું કે, જે આવાજ ઉઠાવે તેને ખતમ કરવાની રાજનીતિ થઈ રહી છે. રાહુલ ગાંધીની પદયાત્રામાં સલામતી પાછી ખેંચી લેવાઈ હતી. આજે નફરત ની ખેતી થઈ છે વિભાજનની ખેતી થઈ રહી છે

રાહુલ ગાંધીના સાંસદપદને ખતમ કરવાનું ષડયંત્ર
ભાજપ પર આકરા પ્રહાર કરતાં જગદીશ ઠાકોરે કહ્યું હતું કે, કોમ કોમને લડાવવાની ખેતી થઈ રહી છે એટલે રાહુલ ગાંધીએ નારો આપ્યો “ડરો મત “. સંસદમાં અદાણીને લઈ રાહુલ ગાંધીએ પ્રશ્નો પૂછ્યા હતા આ દરમિયાન પ્રધાનમંત્રીએ ભાન ગુમાવી કહ્યું મેં અકેલા કાફી હું. રાહુલ ગાંધીના સાંસદપદને ખતમ કરવાનું ષડયંત્ર કરવામાં આવ્યું છે.