કરોડોના ‘ગોબર’ એન્જિનિયરિંગનો નમૂનોઃ ચિલોડા-શામળાજી હાઈવે પરનો બ્રિજ ઉદ્ઘાટન પહેલા જ ધોવાયો

‘જાણી જોઈને લખી આવી ભાષા’- આદિપુરુષના ડાયલોગ્સની આલોચના પર બોલ્યા મનોજ મુંતશિર

બ્રિજ વિવાદોમાં
સાબકાંઠામાં જાણિતી સાબરડેરી પાસે જ એક બ્રિજ બનાવવામાં આવ્યો છે. ચિલોડા-શામળાજી રોડ પર તૈયાર કરાયેલા આ હાઈવે પર વાહનોની સ્પીડ ઘણી હોય છે. આ રોડ પર આવા ઘણા બ્રિજ બનાવાયા છે. જે પૈકીનો એક આ પણ છે. એક સામાન્ય વરસાદમાં સાબરડેરી પાસેનો બ્રિજનો એક ભાગ ધોવાઈ ગયો હતો. આમ તો આ બ્રિજ પરથી વાહનો પસાર થવાના શરૂ થઈ ગયા છે પરંતુ આ બ્રિજનું ઉદ્ઘાટન કરવાનું બાકી હોવાનું સામે આવ્યું છે. આ રોડ પર નવીનીકરણની કામગીરી શરૂઆતથી જ વિવાદોમાં રહી હતી. પાંચ પાંચ વર્ષ થઈ ગયા છતા કામગીરી હજુ પુરી થઈ નથી જેના કારણે લોકો પણ ઘણા પરેશાન થઈ રહ્યા છે. આ તો પહેલો વરસાદ પડ્યો નથી અને માત્ર સામાન્ય ઝાપટા ચાલુ થયા છે ત્યાં તો પુલનો ભાગ ધોવાઈ જતા તેની ક્વોલિટીને લઈને સવાલો ઊભા થયા છે. રાહદારીઓેમાં આ બ્રિજની હાલતને લઈને ચર્ચાઓ ઊભી થઈ છે. આ ઉપરાંત મોતીપુરા વિસ્તારમાં પણ પાણીની લાઈન ધોવાઈ ગઈ છે.

લોકોની માગ છે કે શક્ય તેટલું જલદી તેનું સમારકામ થાય, આ બ્રિજ કોઈનો ભોગ લે નહીં તે પહેલા તેની સલામતીને ચકાસી લેવામાં આવે.

(ઈનપુટઃ હિંમત પટેલ, સાબરકાંઠા)