અભિનેત્રી હેપ્પી ભાવસારનું ફેફસાંના કેન્સરનાં કારણે નિધન, અઢી મહિના પહેલા જ માતા બન્યા હતા

કેન્સર સહિત અન્ય બીમારી હોવાનું સામે આવ્યું
મીડિયા રિપોર્ટ્સ પ્રમાણે હેપ્પી ભાવસાર લંગ કેન્સરની સાથે એક ગંભીર બીમારી હતી. આ રેર ઓફ ધ રેર બીમારીના કારણે તેમનું ફેફસાના કેન્સરના પ્રાથમિક તબક્કામાં જ જીવ ગુમાવ્યો હતો. આ બીમારીનાં વ્યક્તિને જે અંગનું કેન્સર હોય તે અચાનક પ્લાસ્ટિક જેવો થઈ જાય. આવુ થાય એટલે તે નિર્જીવ થતો રહે અને કામ કરવાનું બંધ કરી દે છે.

હેપ્પી ભાવસાર લજ્જાના પાત્રથી પ્રખ્યાત થયા
તેઓ ગુજરાતી સિરિયલ, ફિલ્મો તથા નાટકોમાં શાનદાર અભિનય અને પોતાના ટેલેન્ટના કારણે લોકપ્રિય બન્યા હતા. તેમની કારકિર્દીની સૌથી યાદગાર સિરિયલ શ્યામલી રહી હતી. જેમાં તેમણે લજ્જાનું પાત્ર ભજવ્યું હતું. આના કારણે તેઓ લોકપ્રિય અભિનેત્રી બની ગયા હતા. આની સાથે જ હેપ્પી ભાવસારે પ્રેમજી, મોન્ટુની બિટ્ટુ, મૃગતૃષ્ણા જેવી પ્રખ્યાત ફિલ્મોમાં કામ કર્યું છે.

અઢી મહિના પહેલા ટ્વિન દીકરીઓને જન્મ આપ્યો
હેપ્પી ભાવસારે ફિલ્મ ઈન્ડસ્ટ્રીના મૌલિક નાયક સાથે લગ્ન કર્યા હતા. મૌલિક પોતાની એક્ટિંગ સાથે કોમેડી તથા પંચ લાઈન સ્પેશિયલિસ્ટ તરીકે પ્રખ્યાત છે. તે લોકો એવા હસાવે છે કે સામે વાળાઓનું પેટ દુઃખી જતું હશે. તેમના વીડિયોઝ પણ સોશિયલ મીડિયામાં ઘણા પ્રખ્યાત અને વાઈરલ થતા રહે છે. તેવામાં હેપ્પી ભાવસારે અઢી મહિના પહેલા જ ટ્વિટ દીકરીઓને જન્મ આપ્યો હતો. હવે અચાનક આ બાળકીઓને આટલો મોટો ફટકો પડ્યો છે, જેની કોઈ સીમા નથી. અત્યારે સમગ્ર ઈન્ડસ્ટ્રીમાં શોકનું મોજુ પ્રસરી ગયું છે.