અમદાવાદ-વડોદરા એક્સપ્રેસ હાઈવે પર ટેન્કર અને કારનો ધ્રુજાવી નાખે તેવો અકસ્માત, 10નાં મોત

વડોદરાથી અમદાવાદ આવતી કારનો અકસ્માત

અમદાવાદ-વડોદરા એક્સપ્રેસ હાઈવે પર નડિયાદ પાસે ટેન્કરની પાછળ એક કાર ઘુસી ગઈ હતી. અકસ્માત એટલો ભયાનક હતો કે કારના ફુરચે ફુરચા બોલી ગયા હતા. આ કારણે કારમાં સવાર તમામ 10 લોકોના મોત નિપજ્યા હતા. ઘટનાની જાણ થતા જ 108ની બે એમ્બ્યુલન્સ તરત જ સ્થળ પર પહોંચી ગઈ હતી. વિગત મુજબ, આ કારમાં સવાર લોકો વડોદરાથી અમદાવાદ આવી રહ્યા હતા. અકસ્માતના કારણે હાઈવે પર ભારે ટ્રાફિક જામ સર્જાયો હતો.

અકસ્માતમાં 4-5 વર્ષની બાળકીનું પણ મોત

પ્રાથમિક વિગતો મુજબ, અકસ્માતની આ ઘટનામાં એક 4થી 5 વર્ષની બાળકીનું પણ મોત થયું છે. આ કાર એક ટ્રાવેલર કાર હતી. જે એક્સપ્રેસ હાઈવે પર અમદાવાદથી વડોદરા અને વડોદરાથી અમદાવાદ પેસેન્જરોને લાવવા અને લઈ જવાનું કામ કરતી હતી. હાલમાં પોલીસે સ્થળ પર પહોંચીને તપાસ કરી રહી છે.

(ઈનપુટ: હેતાલી શાહ, ખેડા)