‘ભાજપે ક્યારેય આદિવાસીઓેને નથી આવવા દીધા આગળ’, ચૈતર વસાવાના સપોર્ટમાં ઉતર્યા AAPના નેતાઓ

અમે આદિવાસી સમાજના દિકરાને આગળ વધાર્યોઃ અરવિંદ કેજરીવાલ

આમ આદમી પાર્ટીના રાષ્ટ્રીય સંયોજક અને દિલ્હીના મુખ્યમંત્રી અરવિંદ કેજરીવાલે સોશિયલ મીડિયા પર પોસ્ટ કરી છે લખ્યું છે કે, ‘ભાજપે ગઈકાલે ‘આપ’ના ધારાસભ્ય અને આદિવાસી સમાજના મોટા નેતા ચૈતર વસાવા સામે ખોટી ફરિયાદ નોંધાવી. ચૈતરભાઈના ધર્મપત્નીની પણ ધરપકડ કરી લીધી. ભાજપે ક્યારેય આદિવાસીઓને આગળ નથી આવવા દીધા, માત્ર તેમનું શોષણ જ કર્યું. જ્યારે ‘આપ’એ આદિવાસી સમાજના દિકરાને આગળ વધાર્યો તો ભાજપને તે સહન ન થયું. સમગ્ર આદિવાસી સમાજ ભાજપ પાસેથી આનો હિસાબ લેશે. ભાજપે આ હુમલો ચૈતર વસાવા પર જ નહીં પરંતુ સમગ્ર આદિવાસી સમાજ પર કર્યો છે.’

भाजपा ने कल “आप” के विधायक और आदिवासी समाज के बड़े नेता @Chaitar_Vasava के ख़िलाफ़ झूठा मुक़दमा किया। चैतर भाई की धर्मपत्नी तक को गिरफ़्तार कर लिया

भाजपा ने कभी आदिवासी को आगे नहीं आने दिया। सिर्फ़ उनका शोषण किया। “आप” ने आदिवासी समाज के बेटे को आगे बढ़ाया तो भाजपा को बर्दाश्त… https://t.co/OypVXQgR3M

— Arvind Kejriwal (@ArvindKejriwal) November 4, 2023

આદિવાસી સમાજના અવાજને કચડી નાખવાનો કર્યો પ્રયાસઃ પ્રવિણ રામ

આમ આદમી પાર્ટીના ધારાસભ્ય અને આદિવાસી સમાજના નેતા ચૈતરભાઇ વસાવાની ઉપર થયેલી ફરિયાદ બાબતે આપ નેતા પ્રવીણ રામની પ્રતિક્રિયા પણ સામે આવી છે. તેમણે જણાવ્યું કે, ચૈતરભાઈ ઉપર ખોટી ફરિયાદ કરી ભાજપે ખાલી ચૈતરભાઈને ખતમ કરી દેવાના પ્રયાસની જગ્યાએ આદિવાસી સમાજના અવાજને કચડી નાખવાનો પ્રયાસ કર્યો છે. આદિવાસી સમાજના અવાજને કચડી નાખવાના પ્રયત્નમાં ભાજપ એ હદ સુધી જતું રહ્યું કે આદિવાસી સમાજના મહિલાને પણ ખોટી રીતે ચંડોવી જેલના સળિયાની પાછળ ધકેલી આદિવાસી સમાજના સ્વાભિમાન ઉપર ઘા કર્યો છે. આદિવાસી સમાજના સ્વાભિમાનની વાત હોય ત્યારે તમામ આદિવાસી સમાજે બહાર નીકળી ગાધી ચીધ્યાં માર્ગે અવાજ ઉઠાવવો જોઈએ

દરેક યુવાન ચૈતરભાઈની સાથેઃ યુવરાજસિંહ જાડેજા

તો વિદ્યાર્થી નેતા યુવરાજસિંહ જાડેજાએ પણ આ મામલે પોતાની પ્રતિક્રિયા આપી છે. તેમણે સોશિયલ મીડિયા પ્લેટફોર્મ X (અગાઉ ટ્વિટર) પર પોસ્ટ કરી છે. જેમાં તેઓએ લખ્યું છે કે, ‘ચૈતરભાઇ વસાવા સાથે બનેલ ઘટનાને અમે સખત શબ્દોમાં વખોડી કાઢીએ છીએ. આ વિકટ સમયમાં ગુજરાતનો દરેક યુવાન આદરણીય ચૈતરભાઈ વસાવા સાથે ખભોથી ખભો મિલાવી ઊભો રહેશે.’

ચૈતરભાઇ વસાવા સાથે બનેલ ઘટના ને અમે સખત શબ્દોમાં વખોડી કાઢીએ છીએ.

આ વિકટ સમયમાં ગુજરાતનો દરેક યુવાન આદરણીય #ચૈતરભાઈ_વસાવા સાથે ખભો થી ખભો મિલાવી ઊભો રહશે…#ISupport_Chaitar_Vasava #We_Stand_With_Chaitar_Vasava pic.twitter.com/64ZilXxFk7

— Yuvrajsinh Jadeja (@YAJadeja) November 3, 2023