ગુજરાત કોંગ્રેસ પ્રમુખ જગદીશ ઠાકોરની ખુરશી ખતરામાં, જાણો શું રચાયું નવું સમીકરણ

ગુજરાત કોંગ્રેસ અધ્યક્ષ બદલવાના અનેક કારણો સામે આવ્યા છે. એક તો વિધાનસભાની ચૂંટણીમાં કારમી હાર જવાબદાર માનવામાં આવી શકે છે. આ સાથે જ જો કોંગ્રેસ જ્ઞાતીનું સમીકરણ પણ ગોઠવીએ તો પ્રદેશ અધ્યક્ષ પદ પરથી જગદીશ ઠાકોરને બદલી શકે છે. વિપક્ષ નેતા તરીકે OBC ચહેરો ઉતરતા હવે અધ્યક્ષ પણ OBC રાખી કોંગ્રેસ પાટીદાર કે અન્ય સમાજની નારાજગીનો સામનો કરવાનું રિસ્ક નહીં લે.

ચૂંટણીમાં કારમી હાર અને નારાજગી 
ગુજરાત વિધાનસભાની ચૂંટણી પહેલા જગદીશ ઠાકોરને સુકાન સોંપ્યુ હતું, પરંતું તેઓ નિષ્ફળ રહ્યાં છે. ઉલટાનું કોંગ્રેસને અગાઉની વિધાનસભાની ચૂંટણી કરતા વધુ નુકસાન થયુ છે. બીજી તરફ, કોંગ્રેસમાં આંતરિક ડખા એટલા વધ્યા છે કે જગદીશ ઠાકોર આ ગૂંચ ઉકેલવામાં પણ અસફળ રહે છે. આવામાં હવે કોંગ્રેસ નવા પ્રદેશ પ્રમુખ લાવે તો નવાઈ નહિ.

જ્ઞાતિનું સમીકરણ 
ગુજરાત વિધાનસભાની ચૂંટણીમાં આમ આદમી પાર્ટીએ કોંગ્રેસ બાજી બગાડી છે તેમ માની શકાય છે. કોંગ્રેસે વિધાનસભાની ચૂંટણીમાં ફક્ત 17 બેઠકો જ મેળવી હતી. આ સાથે પૂર્વ વિપક્ષ નેતા પરેશ ધાનાણી અને વિપક્ષ નેતા સુખરામ રાઠવાની પણ હાર થઈ છે. ત્યારે હવે કોંગ્રેસે વિપક્ષ નેતા તરીકે અમિત ચાવડાને જવાબદારી સોંપી છે. ત્યારે વિપક્ષ નેતા અને પક્ષ પ્રમુખ બંને OBC ચહેરાને કોંગ્રેસ પ્રાધાન્ય આપવાનું રિસ્ક નહીં લે. જેને પરિણામે પ્રદેશ અધ્યક્ષ બદલાય શકે છે.

કોણ છે અધ્યક્ષની રેસમાં 
કોંગ્રેસ હાઈકમાન્ડ ગુજરાતના મલખમાં ગામે તે ઘડીએ ફેરફાર કરી શકે છે. જગદીશ ઠાકોરની જગ્યાએ  હાલ પ્રદેશ પ્રમુખ તરીકે પરેશ ધાનાણી, અર્જુન મોઢવાડિયા અને જીતુ પટેલનું નામ ચર્ચામાં છે. જોકે, ચર્ચા તો એવી પણ છે કે કોંગ્રેસ પાટીદાર કાર્ડ અજમાવી શકે છે. મુખ્યમંત્રી જ્યારે પાટીદાર છે, ત્યારે કોંગ્રેસ પણ પાટીદાર નેતાને પ્રદેશ પ્રમુખનુ પદ આપી અને પાટીદાર સમાજને 2024માં મનામણાં કરી શકે છે.