'હું જીવતો છું, આવી મજાક ના કરો...', મોતની અફવા ફેલાતા એક્ટર ગુસ્સે ભરાયો, ટ્રોલર્સને કરી વિનંતી

શ્રેયસ એકદમ ઠીક છે

તેની પોસ્ટમાં, અભિનેતાએ લખ્યું- હું દરેકને ખાતરી આપવા માંગુ છું કે હું જીવંત, ખુશ અને સ્વસ્થ છું. હું મૃત હોવાનો દાવો કરતી એક પોસ્ટ મળી. હું જાણું છું કે મજાકનું સ્થાન છે, પરંતુ જ્યારે તેનો દુરુપયોગ થાય છે ત્યારે તે ખરેખર નુકસાનકારક બની શકે છે. કોઈએ મજાક તરીકે આની શરૂઆત કરી હશે, પરંતુ હવે તે બિનજરૂરી મુશ્કેલી ઊભી કરી રહી છે. આ લોકો, ખાસ કરીને મારા પરિવારની લાગણીઓ સાથે રમી રહ્યાં છે, જેઓ મારી કાળજી રાખે છે.

મારી નાની પુત્રી, જે દરરોજ શાળાએ જાય છે, તે પહેલેથી જ મારા સ્વાસ્થ્ય વિશે ચિંતિત છે, તે મને પ્રશ્નો પૂછતી રહે છે. મારા સ્વાસ્થ્ય અંગે ખાતરી માટે પૂછે છે. આ ખોટા સમાચારે તેનો ડર વધુ વધાર્યો છે. તેણીએ તેના શાળાના શિક્ષકો અને મિત્રો પાસેથી વધુ પ્રશ્નો પૂછવાનું શરૂ કર્યું છે. જે લોકો મારા મૃત્યુના સમાચારનો પ્રચાર કરી રહ્યા છે, હું તેમને રોકવા માટે કહીશ. ઘણા લોકોએ મારા સ્વાસ્થ્ય માટે પ્રાર્થના કરી હતી. આ રમૂજ તેમની ભાવનાઓને ઠેસ પહોંચાડે છે. રમૂજ મારા પરિવાર અને શુભેચ્છકોને ચિડવનારી છે.

જ્યારે તમે આવા ખોટા સમાચાર ફેલાવો છો, ત્યારે તમે જે વ્યક્તિને ટાર્ગેટ કરવા માંગો છો તેના પર તેની અસર નથી થતી, પરંતુ તેના પરિવારના સભ્યો અને ખાસ કરીને નાના બાળકોને અસર થાય છે. અજ્ઞાન બાળકો આ પરિસ્થિતિને સમજી શકતા નથી, તેઓ ખૂબ જ લાગણીશીલ બની જાય છે.

ટ્રોલ્સને વિનંતી : 'કોઈની સાથે આવી મજાક ના કરો...'

આ સમયગાળા દરમિયાન, જેમણે મારા સમાચાર લીધા હતા તેમનો હું હૃદયપૂર્વક આભાર માનું છું. તમારો પ્રેમ મારા માટે મહત્વનો છે. મારી ટ્રોલ્સને એક સરળ વિનંતી છે - કૃપા કરીને રોકો. કોઈની સાથે આવી મજાક ના કરો. હું ઈચ્છતો નથી કે તમારી સાથે આવું કંઈ થાય, તેથી સંવેદનશીલ બનો. બીજાની લાગણીઓને ઠેસ પહોંચાડીને લાઈક્સ અને વ્યુ એકત્રિત કરવા યોગ્ય નથી.

તમને જણાવી દઈએ કે, શ્રેયસને ગયા વર્ષે હાર્ટ એટેક આવ્યો હતો. તે દરમિયાન તે 'વેલકમ ટુ ધ જંગલ' ફિલ્મનું શૂટિંગ કરી રહ્યો હતો. અચાનક તેને થાક અને બેચેની લાગવા લાગી. હોસ્પિટલ પહોંચ્યા ત્યારે ખબર પડી કે તેમને હાર્ટ એટેક આવ્યો છે. ડોક્ટરોએ તેની એન્જિયોપ્લાસ્ટી કરી. શ્રેયસે કહ્યું હતું કે હાર્ટ એટેક બાદ તેનો નવો જન્મ થયો હતો.