Lok Sabha Election: અમદાવાદમાં મતદાન કરતા પહેલા PM મોદી કોને પગે લાગ્યા? જાણો કોણ છે આ વ્યક્તિ

મતદાન પહેલા PM મોદીએ લીધા આશીર્વાદ

આજે સવારે જ્યારે પીએમ મોદી મતદાન કરવા માટે મતદાન મથકે પહોંચ્યા ત્યારે મતદાન મથકના ગેટ પર એક વ્યક્તિ તેમની આતુરતાથી રાહ જોઈ રહી હતી. આ દરમિયાન પીએમ મોદીએ સૌથી પહેલા સફેદ કુર્તા-પાયજામા અને હાફ જેકેટ પહેરેલ વ્યક્તિના ચરણ સ્પર્શ કર્યા અને તેમના આશીર્વાદ લીધા. જે બાદ પીએમ મોદી તેમની સાથે મતદાન મથકમાં ગયા અને મતદાન કર્યું. હકીકતમાં આ વ્યક્તિ અન્ય કોઈ નહીં પરંતુ વડાપ્રધાન નરેન્દ્ર મોદીના મોટા ભાઈ સોમાભાઈ મોદી હતા.

#WATCH | Prime Minister Narendra Modi arrives at Nishan Higher Secondary School in Ahmedabad, Gujarat to cast his vote for #LokSabhaElections2024

Union Home Minister Amit Shah is also present. pic.twitter.com/eg9MaQ1hQS

— ANI (@ANI) May 7, 2024

કોણ છે સોમાભાઈ મોદી?

મતદાન કરતા પહેલા પીએમ મોદીએ મોટાભાઈ સોમાભાઈ મોદીના આશીર્વાદ લીધા હતા. આપને જણાવી દઈએ કે, પીએમ મોદીના મોટા ભાઈ સોમાભાઈ મોદી આરોગ્ય વિભાગમાં નોકરી કરતા હતા અને હવે નિવૃત્ત થયા છે. હવે તેઓ અમદાવાદમાં વૃદ્ધાશ્રમ ચલાવે છે અને સમાજ સેવા કરે છે.