દારૂબંધી વચ્ચે રાજકોટ સિવિલ હોસ્પિટલમાં ડૉ. સાહિલ નશાની હાલતમાં ઝડપાયો, ઉઠયા અનેક સવાલો

હોસ્પિટલના ઇમર્જન્સી રૂમમાં ફરજ બજાવતો ડો.સાહિલ ખોખર ફરજ દરમિયાન દારૂ ઢીંચતો હતો. અને નશાની હાલતમાં જ દર્દીઓની સારવાર કરતો હોવાનું સામે આવ્યું હતું. ત્યારે જાગૃત નાગરિક દ્વારા પોલીસને સાથે રાખી ડો.ખોખરને તેની ડ્યૂટી દરમિયાન દારૂ પીધેલી હાલતમાં ઝડપી લીધો હતો, ડોક્ટર રૂમમાં કબાટના ખાનામાંથી દારૂનો  પણ મળી આવતા નાશમાં ધૂત ડૉક્ટરનો ભાંડો  ફૂટ્યો છે.  ક્રાઈમબ્રાન્ચ દ્વારા ડોક્ટરની ધરપકડ કરી છે. અને આગળની કાર્યવાહી હાથ ધરી છે.

ડોકટર રૂમમાં દારૂ મળી આવ્યો
ક્રાઇમ બ્રાંચની ટીમ દ્વારા ડો.સાહિલ ખોખર ઇમરજન્સી રૂમની બહાર કાચની કેબિનમાં એક નર્સ સાથે બેઠો હતો, ડો.ખોખરને ક્રાઇમ બ્રાંચની ટીમે પોતાની ઓળખ આપી તેનું માસ્ક હટાવતાં જ ડોક્ટર ખોખર નશાની હાલતમાં હોય તેવું લાગી રહ્યું હતું. આ સાથે ડોક્ટર રૂમમાં  ડો.સાહિલ ખોખરનું ખાનું ખોલાવતાં જ પાણીની બોટલમાં દારૂ ભરેલો મળ્યો હતો.

આ પણ વાંચો: મુખ્યમંત્રી ભૂપેન્દ્ર પટેલની અધ્યક્ષતામાં આજે મળશે કેબિનેટ બેઠક, જંત્રી અને બજેટ અંગે થઈ શકે છે ચર્ચા

અનેક સવાલો થયા ઊભા
એક તરફ રાજ્યમાં દારૂબંધી છે ત્યારે હોસ્પિટલમાં જ ડોકટર નશાની હાલતમાં હોય તો છેલ્લા 4 વર્ષ દરમિયાન દર્દીઓની શું હાલત થઈ હશે. કેટલાય દર્દીઓના આરોગ્ય સાથે ચેડાં થયા હશે. આ ઉપરાંત અત્યાર સુધી તેમના સાથી ડોકટર કે ઉપરી અધિકારીને કોઈ પણ પ્રકારની શંકા ગઈ હતી કે નહીં? તંત્ર હવે સમગ્ર કાંડ સામે આવ્યું ત્યારે કાર્યવાહી કરશે. આ પહેલા કેમ કોઈ પગલાં લેવામાં ન આવ્યા?  આવા અનેક સવાલો ઊભા થયા છે.

(ઈનપુટઃ નીલેશ શિશાંગિયા, રાજકોટ)

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…