Surat Police 250 કિલોનું ડ્રમ લઈને સિવિલ હોસ્પિટલ પહોંચી, કટરથી કાપતા અંદર યુવતીની લાશ નીકળી

Surat Crime News: સુરતમાં ભેસ્તાન વિસ્તારમાંથી યુવતીની પ્લાસ્ટિકના ડ્રમમાં હત્યા કરીને છુપાવેલી લાશ મળી આવી છે. શંકાસ્પદ ડ્રમને પોલીસ સિવિલ હોસ્પિટલ લઈ ગઈ હતી અને કટરથી કાપતા તેમાંથી સિમેન્ટની નીચેથી યુવતીની લાશ હતી. પ્રાથમિક દ્રષ્ટિએ યુવતીને ગળે ટૂંપો આપીને હત્યા કરાઈ હોવાનું અને બાદમાં રેતી-સિમેન્ટ સાથે ડ્રમમાં તેની લાશ છુપાવીને ફેંકી દીધી હોવાનું સામે આવી રહ્યું છે. હાલમાં ભેસ્તાન પોલીસ દ્વારા આ મામલે તપાસ હાથ ધરવામાં આવી છે.