મેઘરાજાની રી-એન્ટ્રીઃ અમદાવાદના અનેક વિસ્તારોમાં ગાજવીજ સાથે ધોધમાર વરસાદ, હજુય 'ભારે'ની આગાહી

Rain in Gujarat: ગુજરાતમાં ચોમાસાનો પ્રારંભ ધમાકેદાર થયો હતો. સામાન્ય રીતે ચોમાસાનું આગમન વહેલું થયું હતું અને સૌરાષ્ટ્ર, દક્ષિણ ગુજરાત અને ત્યારબાદ મધ્ય ગુજરાતમાં મેઘરાજાએ રીતસરની ધબધબાટી બોલાવી હતી. આ વિસ્તારોમાં નદી-નાળા છલકાઈ ગયા હતા. જળાશયોના પાણીના સ્તર ઊંચા આવ્યા હતા અને કેટલીક જગ્યાએ તો પૂરની સ્થિતિ સર્જાઈ હતી. જોકે, ઓગસ્ટ મહિનાની શરૂઆતથી જ મેહુલિયા જાણે કે ગુજરાતથી રિસાઈ ગયો હોય તેવું લાગે છે. આ દિવસોમાં રાજ્યમાં ક્યાંય સાર્વત્રિક વરસાદ નોંધાયો નથી. વરસાદ ખેંચાતા જગતનો તાત મુંઝાયો છે. આ વચ્ચે હવે રાજ્યના કેટલાક વિસ્તારોમાં મેઘરાજાની રી-એન્ટ્રી થઈ છે.