Ahmedabad: રાજીવ ગાંધી ભવન બહાર ભાજપ-કોંગ્રેસના કાર્યકરો વચ્ચે પથ્થરમારો, કાચની બોટલો ફેંકાઈ

Ahmedabad Congress Party Office Attacked: લોકસભામાં વિપક્ષ નેતા રાહુલ ગાંધી દ્વારા સોમવારે એક નિવેદન આપવામાં આવ્યું હતું. જે નિવેદનને લઈને અમદાવાદમાં આવેલા રાજીવ ગાંધી ભવન ખાતે 24 કલાકમાં બીજી વખત હુમલો થયાની ઘટના સામે આવી છે. પહેલા હિન્દુ સંગઠનો દ્વારા અને હવે ભાજપના કાર્યકરો ત્યાં વિરોધ કરવા માટે પહોંચ્યા હતા, આ દરમિયાન બંને પક્ષો વચ્ચે પથ્થરમારાની ઘટના બની હતી. કાચની બોટલો પણ ફેંકાઈ હતી. ચોંકાવનારી બાબત એ છે કે પોલીસની હાજરીમાં જ બનેલી આ ઘટનામાં એક પોલીસકર્મી પણ ઈજાગ્રસ્ત થઈ ગયો હતો, જેને 108 મારફતે સારવાર માટે હોસ્પિટલ ખસેડાયો હતો.