Reliance Industries ના શેર રોકેટ બનશે, 54%નો ઉછાળો આવશે? એક્સપર્ટે શું સલાહ આપી

Reliance Industries Shares: મુકેશ અંબાણીની રિલાયન્સ ઈન્ડસ્ટ્રીઝને લઈને એક મોટું અપડેટ સામે આવ્યું છે. ગોલ્ડમેન સૈક્સનું કહેવું છે કે રિલાયન્સ ઇન્ડસ્ટ્રીઝ લિમિટેડના શેરમાં 54 ટકાનો વધારો થવાની ધારણા છે. વિદેશી બ્રોકરેજ કંપનીએ રિલાયન્સ ઈન્ડસ્ટ્રીઝ (RIL)ની કંપનીઓના જોખમ, બિઝનેસ ટેલવિન્ડ, વેલ્યુ અનલોકિંગ અને સારા મૂડીરોકાણની ફાળવણીને લઈને ઉત્સાહિત છે.

ગોલ્ડમેન સૈક્સે જણાવ્યું હતું કે, RIL એ છેલ્લા 10 વર્ષમાં મૂડી ખર્ચમાં $125 બિલિયન કરતાં વધુનું રોકાણ કર્યું છે, તેમાં મોટાભાગે હાઈડ્રોકાર્બન અને દૂરસંચારમાં લાંબા ગાળા માટે ખર્ચ કરવામાં આવ્યા છે. તેમાં કહેવાયું છે કે, હાઇડ્રોકાર્બન અને ટેલિકોમ 4G માટે મૂડી ખર્ચ ચક્ર નાણાકીય વર્ષ 2017-19 દરમિયાન પૂર્ણ થયું હતું. હવે 5G પર ખર્ચ કરવામાં આવી રહ્યો છે.

આ પણ વાંચો: Voter Id Card: ચૂંટણી કાર્ડમાં બદલાવું છે સરનામું? જાણો સ્ટેપ બાય સ્ટેપ પ્રોસેસ

રિલાયન્સના શેર વધુ સારું પ્રદર્શન કરી રહ્યા છે

ગોલ્ડમેનનું માનવું છે કે રિલાયન્સ ઈન્ડસ્ટ્રીઝ જે વ્યવસાયોમાં આગામી 3 વર્ષમાં વધુ રોકાણ કરી રહી છે તે ઓછા મૂડી ખર્ચ, વધુ વળતર અને ટૂંકા ગાળા માટે છે. આ કારણોસર, રિલાયન્સ ઇન્ડસ્ટ્રીઝના શેર્સ (RIL શેર્સ) બે દૃશ્યો હેઠળ ભારતીય શેરબજારમાં વધુ સારું પ્રદર્શન કરી રહ્યા છે - વળતરમાં વધારો અને નવા વ્યવસાયોમાં હિસ્સાના વેચાણ દ્વારા વેલ્યુએશનની શોધ.

નાણાકીય વર્ષ 2026 સુધીમાં 54 ટકા સુધીનું વળતર

બ્રોકરેજનું કહેવું છે કે, રિલાયન્સના શેર આગામી બે વર્ષમાં વધુ સારું રિટર્ન આપી શકે છે. કારણ કે રિલાયન્સના બિઝનેસમાં મૂડી ખર્ચમાં મોટો ઘટાડો થવાની ધારણા છે. ઓઈલથી લઈને કેમિકલ બિઝનેસમાં ખર્ચમાં ઘટાડો થશે. રિલાયન્સ ઈન્ડસ્ટ્રીઝના શેર છેલ્લા એક મહિનામાં સપાટ રહ્યા છે, જ્યારે વર્ષ 2024માં અત્યાર સુધીમાં શેરમાં લગભગ 15 ટકાનો વધારો થયો છે. છેલ્લા એક વર્ષમાં આ સ્ટોક 32 ટકા વધ્યો છે.

આ પણ વાંચો: LIC ની સુપરહિટ સ્કીમ... 121રૂ. જમા કરીને મેળવો 27 લાખ, દીકરીના લગ્નમાં પૈસાનું 'નો ટેન્શન'!

વિદેશી બ્રોકરેજે કહ્યું કે અમે રિલાયન્સના રિટેલ બિઝનેસમાં જોરદાર ગ્રોથ જોઈ રહ્યા છીએ. આ સિવાય રિફાઇનિંગ અને પેટ્રોકેમિકલ બિઝનેસમાં પણ સારી વૃદ્ધિની અપેક્ષા છે. ગોલ્ડમેને જણાવ્યું હતું કે આરઆઈએલના શેર માટેનો લક્ષ્યાંક રૂ 4,495 છે, જે 54 ટકાનો ઉછાળો દર્શાવે છે.

રિલાયન્સ ઇન્ડસ્ટ્રીઝના શેરમાં મોટો વધારો

બુધવારે રિલાયન્સ ઇન્ડસ્ટ્રીઝનો શેર 3.52% વધીને રૂ. 2,984.50 પર ટ્રેડ થઈ રહ્યો હતો. કંપનીએ દિવસ દરમિયાન રૂ. 20 લાખ કરોડનું માર્કેટ કેપ પાછું મેળવ્યું છે. જ્યારે છેલ્લા ટ્રેડિંગ સેશનમાં એટલે કે મંગળવારે તેનો શેર રૂ. 2,884.15 પર બંધ થયો હતો.

(નોંધ- શેરબજારમાં કોઈપણ રોકાણ કરતા પહેલા, તમારા બજાર નિષ્ણાતોની સલાહ ચોક્કસ લો.)