Budget 2024: સરકારે ખોલી 'તિજોરી' .. PM મુદ્રા યોજના હેઠળ લોન મર્યાદા બમણી કરાય

PM Mudra Yojana Loan: મોદી સરકારના ત્રીજા કાર્યકાળનું આજે પ્રથમ બજેટ રજૂ કરવામાં આવ્યું હતું. નાણામંત્રી નિર્મલા સીતારમણે પોતાના બજેટ ભાષણ દરમિયાન મોટી જાહેરાત કરી. આ પ્રધાનમંત્રી મુદ્રા યોજના સાથે જોડાયેલ છે. આ યોજના હેઠળ, મુદ્રા લોનની મર્યાદા વધારીને બમણી કરવામાં આવી છે. અગાઉ, આ યોજના હેઠળ, MSME ને 10 લાખ રૂપિયા સુધીની લોન આપવામાં આવતી હતી, જે હવે વધારીને 20 લાખ રૂપિયા કરવામાં આવી છે.

મુદ્રા લોનની મર્યાદા વધારીને બમણી કરવામાં આવી

ઉલ્લેખનીય છે કે દેશના યુવાનોને સ્વરોજગાર માટે પ્રોત્સાહિત કરવા માટે કેન્દ્ર સરકાર પ્રધાનમંત્રી મુદ્રા યોજના ચલાવી રહી છે. આ યોજના હેઠળ, અત્યાર સુધી રૂ. 10 લાખ સુધીની લોન (Mudra Yojana Loan) ગ્રામીણ વિસ્તારોમાં બિન-કોર્પોરેટ નાના સાહસો શરૂ કરવા અથવા વિસ્તરણ કરવા માટે આપવામાં આવતી હતી. હવે તેને વધારીને 20 લાખ રૂપિયા કરવામાં આવી છે. આ લોન સરળતાથી અને પોસાય તેવા વ્યાજ દરે ઉપલબ્ધ છે. જો તમે સમયસર લોન ચૂકવતા રહો છો, તો લોન પરના વ્યાજ દર પણ માફ થઈ જાય છે. નાણામંત્રીએ કહ્યું કે જે લોકોએ તેમની જૂની બાકી લોન ચૂકવી દીધી છે, હવે તેમને બમણી લોન આપવામાં આવશે. આનો અર્થ એ છે કે જેમની પાસે પહેલેથી જ લોન છે તેઓને તેનો લાભ ત્યારે જ મળશે જ્યારે તેઓ જૂની બાકી રકમ ચૂકવશે.

લોનની ત્રણ શ્રેણીઓ

પીએમ મુદ્રા યોજના હેઠળ ઉપલબ્ધ લોનને ત્રણ કેટેગરીમાં વહેંચવામાં આવી છે. આ ત્રણ કેટેગરી શિશુ લોન, કિશોર લોન અને તરુણ લોન છે. શિશુ લોન હેઠળ 50 હજાર રૂપિયા સુધીની લોન આપવામાં આવે છે. કિશોર લોન હેઠળ 50 હજારથી 5 લાખ રૂપિયા સુધીની લોન આપવામાં આવે છે. અત્યાર સુધી તરુણ લોન હેઠળ 10 લાખ રૂપિયા સુધીની લોન લઈ શકાય છે. જેની મર્યાદા વધારીને બમણી કરી દેવામાં આવી છે.

લોન માટે અરજી કરવી સરળ

PM શિશુ મુદ્રા લોન યોજના હેઠળ લોન માટે અરજી કરવા માટે કોઈ ગેરેંટરની જરૂર નથી, ન તો તેના માટે કોઈ ચાર્જ લેવામાં આવે છે. જો કે, વિવિધ બેંકોમાં લોનના વ્યાજ દરોમાં તફાવત હોઈ શકે છે. તે બેંકો પર નિર્ભર કરે છે કે આ યોજના હેઠળ વ્યાજ દર વાર્ષિક 9 થી 12 ટકા છે. મુદ્રા લોન લેવા માટે તમારે તમારી નજીકની બેંકમાં જવું પડશે. ઘણી બેંકોએ આ યોજના હેઠળ અરજી કરવા માટે ઓનલાઈન સુવિધા પણ આપી છે. તમે https://www.mudra.org.in/ પર જઈને વધુ માહિતી મેળવી શકો છો.

કોને મળશે લાભ

PM મુદ્રા યોજના હેઠળ, નાના દુકાનદારો, ફળો, ફૂડ પ્રોસેસિંગ યુનિટ્સ માટે લોનની સુવિધા ઉપલબ્ધ છે, આ યોજનાનો લાભ લેવા માટે તમારે આધાર કાર્ડ, પાન કાર્ડ, રહેઠાણનો પુરાવો, પાસપોર્ટ સાઇઝનો ફોટો અને બિઝનેસ સર્ટિફિકેટની જરૂર પડશે.

MSME માટે વિશેષ:

SIDBIની પહોંચ વધારવા માટે આગામી ૩ વર્ષમાં નવી શાખાઓ ખોલવામાં આવશે. જેમાંથી આ વર્ષે 24 શાખાઓ ખુલશે
50 મલ્ટી પ્રોડક્ટ ફૂડ યુનિટના સેટઅપ માટે મદદ પૂરી પાડશે.
MSME ને ફૂડ સેફ્ટી લેબ ખોલવા માટે મદદ આપવામાં આવશે.
ઈ-કોમર્સ નિકાસને પ્રોત્સાહન આપવા માટે ખાનગી ક્ષેત્ર સાથે મળીને એક યોજના શરૂ કરવામાં આવશે.