ધોરાજીમાં BJPના ધારાસભ્યની કારનો અકસ્માત, વીજપોલ સાથે અથડાઈ કાર

વીજપોલ સાથે અથડાતા MLAની કારને થયું નુકસાન
પ્રાપ્ત વિગતો મુજબ, ધોરાજી-ઉપલેટાના ભાજપના ધારાસભ્ય મહેન્દ્ર પાડલીયાની કાર ગઈકાલે સાંજે વીજપોલ સાથે અથડાઈ ગઈ હતી. જેમાં કારના આગળના ભાગને સામાન્ય નુકસાન થયું હતું. ઘટનાની જાણ થતા જ પોલીસનો કાફલો ઘટના સ્થળે દોડી આવ્યો હતો. જોકે સદનસીબે ધારાસભ્ય મહેન્દ્ર પાડેલીયાને કોઈ ઈજા થઈ નહોતી. પરંતુ કાર ચલાવી શકાય તેમ ન હોવાથી તેઓ અન્ય કારમાં બેસીને રવાના થઈ ગયા હતા.

અગાઉ કરજણના ધારાસભ્યની કારને નડ્યો હતો અકસ્માત
નોંધનીય છે કે, ગત મહિને પણ વડોદરાના કરજણથી ભાજપના ધારાસભ્ય અક્ષય પટેલની કારનો અકસ્માત થયો છે. અમદાવાદ-વડોદરા એક્સપ્રેસ હાઈવે પર આણંદ પાસે એકાએક નીલ ગાય હાઈવે પર આવી જતા અકસ્માત સર્જાયો હતો. અકસ્માત સમયે કારમાં ડ્રાઈવર, ધારાસભ્ય સહિત 3 લોકો સવાર હતા. જોકે સદનસીબે અક્ષય પટેલને હાથમાં સામાન્ય ઈજાઓ પહોંચતા મોટી દુર્ઘટના ટળી હતી. જોકે તેમની કારને ભારે નુકસાન પહોંચ્યું હતું.