Harsh Sanghavi Body Guard: હર્ષ સંઘવીના બોર્ડી ગાર્ડે MLAનું બાવડું પકડી ખેંચ્યા તો… જૂઓ Video

ગૃહ રાજ્ય મંત્રી હર્ષ સંઘવી આ તમામ નેતાઓની સાથે સાથે સૌથી આગળ આગળ ચાલી રહ્યા હતા ત્યારે એમના સુરક્ષામાં હાજર સુરક્ષા કર્મી પણ એમને કોર્ડન કરીને ચાલી રહ્યાં હતા. એ જ સમય સુરત પૂર્વથી ભાજપના જ ધારાસભ્ય અરવિંદ રાણાનો હાથ પકડી એમને પાછળ ચાલવાનો માનો કે ઈશારો કર્યો હતો. ગૃહ રાજ્ય મંત્રી હર્ષ સંઘવીની હાજરીમાં એમના સુરક્ષા કર્મી દ્વારા ભાજપના જ ધારાસભ્ય અરવિંદ રાણાનો હાથ પકડતા ધારાસભ્ય અરવિંદ રાણા માનો અકડાઈ ગયા હતા અને સુરક્ષા કર્મીને ઈશારો કરતા માનો કહી રહ્યા હતા કે ભાઈ આ શું કરો છો. ગૃહ રાજ્ય મંત્રી હર્ષ સંઘવીના સુરક્ષા કર્મી દ્વારા ભાજપના જ ધારાસભ્યનો હાથ પકડી પાછળ કરવાની આ ઘટનાનો વિરોધ જ્યારે અરવિંદ રાણાએ કર્યો તો હર્ષ સંઘવીએ પણ પાછળ વળીને જોયું ખરું પણ એ કંઈ બોલ્યા ના હતા. આ સમગ્ર દૃશ્યો મીડિયાના કેમેરામાં કૈદ થયા છે. ગૃહ રાજ્ય મંત્રી હર્ષ સંઘવીએ હજીરાના દરિયામાં ગણપતિ બાપાના નારા લગાવી વિસર્જન કર્યું હતું.

(સંજયસિંહ રાઠોડ, સુરત)