SA vs WI: સાઉથ આફ્રિકાનો ફરી T20 World Cupની ફાઈનલ જેવો ધબડકો, વેસ્ટ ઈન્ડિઝે સર્જ્યો મોટો ઉલટફેર

SA vs WI T20 Cricket Series: વેસ્ટ ઈન્ડિઝના ખેલાડીઓએ શાનદાર પ્રદર્શન કર્યું છે અને વેસ્ટ ઈન્ડિઝ અને દક્ષિણ આફ્રિકા વચ્ચે રમાઈ રહેલી 3 મેચની T20 ક્રિકેટ શ્રેણીની બીજી મેચ જીતી લીધી છે. આ પહેલા ટીમે પ્રથમ મેચમાં પણ દક્ષિણ આફ્રિકાને કારમી હાર આપી હતી. વેસ્ટ ઈન્ડિઝે બીજી ટી20 મેચ જીતીને સીરીઝ પર પણ કબજો કરી લીધી છે. દક્ષિણ આફ્રિકાની ટીમ આ મેચ માત્ર 35 બોલમાં હારી ગઈ હતી. બીજી T20 મેચમાં વેસ્ટ ઈન્ડિઝે પ્રથમ બેટિંગ કરતા 20 ઓવરમાં 6 વિકેટ ગુમાવીને 179 રન બનાવ્યા હતા. ટીમ માટે શે હોપે સૌથી વધુ 41 રન બનાવ્યા હતા. તેણે માત્ર 22 બોલ રમ્યા. આ સિવાય કેપ્ટન રોવમેન પોવેલે 22 બોલમાં 3 સિક્સરની મદદથી 35 રનની ઇનિંગ રમી હતી. જ્યારે શરફાન રધરફોર્ડે 18 બોલમાં 2 છગ્ગાની મદદથી 29 રન બનાવ્યા હતા.

માત્ર 35 બોલમાં ગેમ 

વેસ્ટ ઈન્ડિઝે આપેલા 180 રનના લક્ષ્યાંકનો પીછો કરતા દક્ષિણ આફ્રિકાની ટીમે શાનદાર પ્રદર્શન કર્યું અને 13.5 ઓવરમાં 4 વિકેટ ગુમાવીને 129 રન બનાવ્યા. અહીંથી ટીમને મેચ જીતવા માટે 37 બોલમાં 50 રનની જરૂર હતી. આ દરમિયાન, મેચનું ભાગ્ય સંપૂર્ણ રીતે બદલાવા લાગ્યું. દક્ષિણ આફ્રિકાએ આગળની 6 વિકેટ માત્ર 35 બોલમાં ગુમાવી દીધી હતી અને આ દરમિયાન ટીમ માત્ર 20 રન બનાવી શકી હતી. દક્ષિણ આફ્રિકાની આખી ટીમ 19.4 ઓવરમાં 149 રનના સ્કોર સાથે પેવેલિયન પરત ફરી હતી અને વેસ્ટ ઈન્ડિઝે આ મેચ 30 રને જીતી લીધી હતી.

પ્લેયર ઓફ ધ મેચ કોણ બન્યું?

મેચમાં 4 ઓવરમાં 15 રન આપીને 3 વિકેટ લેનાર રોમારીયો શેફર્ડને પ્લેયર ઓફ ધ મેચ તરીકે પસંદ કરવામાં આવ્યો હતો. રોમારીયો શેફર્ડે IPL-2024માં મુંબઈ ઈન્ડિયન્સ તરફથી રમતી વખતે દિલ્હી કેપિટલ્સના બોલર એનરિક નોરખિયાની એક ઓવરમાં 32 રન આપ્યા હતા. IPL-2024ની આ સૌથી મોંઘી ઓવર હતી.