એશિયન ગેમ્સ માટે ટીમ ઈન્ડિયાની જાહેરાત, ઋતુરાજ ગાયકવાડ કરશે કપ્તાની

નવી દિલ્હી: 19મી એશિયન ગેમ્સ માટે ભારતીય પુરૂષ ક્રિકેટ ટીમની જાહેરાત કરવામાં આવી છે. 15 સભ્યોની ટીમની કમાન ઋતુરાજ ગાયકવાડના હાથમાં રહેશે. યુવા ખેલાડીઓને ટીમમાં સ્થાન મળ્યું છે. રિંકુ સિંહ, પ્રભસિમરન સિંહ અને જીતેશ શર્મા જેવા સ્ટાર ખેલાડીઓ પણ ભારતીય ટીમનો ભાગ છે. આ ત્રણેય ખેલાડીઓએ આઈપીએલમાં શાનદાર પ્રદર્શન કર્યું હતું.

ધવનને ટીમમાં જગ્યા ન મળી
અનુભવી બેટ્સમેન શિખર ધવનને ટીમમાં સ્થાન મળ્યું નથી. મીડિયા રિપોર્ટમાં કહેવામાં આવી રહ્યું હતું કે એશિયન ગેમ્સમાં ધવન ટીમની કેપ્ટનશીપ કરશે, પરંતુ તેને ટીમમાં જગ્યા પણ મળી શકી નથી. એશિયન ગેમ્સ 2023માં ચીનના હાંગઝોઉમાં 23 સપ્ટેમ્બરથી 8 ઓક્ટોબર દરમિયાન યોજાવાની છે. ઓડીઆઈ વર્લ્ડ કપ (ઓક્ટોબર 5-નવેમ્બર 19) સાથે એશિયન ગેમ્સની અથડામણની તારીખોથી, બીજા ક્રમની ભારતીય ટીમને પુરુષોની ઈવેન્ટમાં ઉતારવામાં આવી છે.

19મી એશિયન ગેમ્સ માટે ભારતીય પુરૂષ ક્રિકેટ ટીમ: ઋતુરાજ ગાયકવાડ (કેપ્ટન), યશસ્વી જયસ્વાલ, રાહુલ ત્રિપાઠી, તિલક વર્મા, રિંકુ સિંહ, જીતેશ શર્મા (વિકેટકીપર), વોશિંગ્ટન સુંદર, શાહબાઝ અહેમદ, રવિ બિશ્નોઈ, અવેશ ખાન, અર્શદીપ સિંહ, મુકેશ કુમાર , શિવમ માવી, શિવમ દુબે, પ્રભસિમરન સિંહ (વિકેટકીપર).

સ્ટેન્ડબાય ખેલાડીઓ: યશ ઠાકુર, સાઈ કિશોર, વેંકટેશ ઐયર, દીપક હુડા, સાઈ સુદર્શન.

ભારત પ્રથમ વખત એશિયન ગેમ્સમાં પોતાની ક્રિકેટ ટીમ મોકલી રહ્યું છે
ત્રીજી વખત ક્રિકેટ ઈવેન્ટનું આયોજન કરવામાં આવશે. 2014 અને 2014ની ગેમ્સમાં પણ એક ક્રિકેટ ઈવેન્ટનું આયોજન કરવામાં આવ્યું હતું, જ્યાં BCCIએ પુરુષ કે મહિલા ટીમને મોકલી ન હતી. 2010ની ગેમ્સમાં, બાંગ્લાદેશ અને પાકિસ્તાને અનુક્રમે પુરૂષ અને મહિલા વર્ગમાં ગોલ્ડ જીત્યો હતો. અને 2014માં શ્રીલંકાએ પુરુષોની કેટેગરીમાં અને પાકિસ્તાને મહિલા વર્ગમાં ગોલ્ડ જીત્યો હતો. ગયા વર્ષે જ 10 થી 25 સપ્ટેમ્બર દરમિયાન 19મી એશિયન ગેમ્સ યોજાવાની હતી, પરંતુ ચીનમાં કોરોના વાયરસના કેસ વધ્યા બાદ આ ગેમ્સને મોકૂફ રાખવામાં આવી હતી. એકંદરે એશિયન ગેમ્સ ત્રીજી વખત ચીનમાં યોજાવા જઈ રહી છે. ચીનની રાજધાની બેઇજિંગે વર્ષ 1990માં એશિયન ગેમ્સનું આયોજન કર્યું હતું, જ્યારે ગુઆંગઝૂને વર્ષ 2010માં આ પ્રતિષ્ઠિત રમતની યજમાની કરવાનો મોકો મળ્યો હતો.

મહિલા ટીમની જાહેરાત
એશિયન ગેમ્સમાં મહિલા ક્રિકેટ ઈવેન્ટ માટે પણ ટીમ ઈન્ડિયાની જાહેરાત કરવામાં આવી હતી. મહિલા ટીમની કપ્તાની હરમનપ્રીત કૌરના હાથમાં રહેશે. તમામ મુખ્ય ખેલાડીઓને ટીમમાં સ્થાન મળ્યું છે. એશિયન ગેમ્સમાં પુરુષોની સ્પર્ધા 28 સપ્ટેમ્બરથી શરૂ થશે જ્યારે મહિલા સ્પર્ધા 19 સપ્ટેમ્બરથી શરૂ થશે. બંને ક્રિકેટ ઈવેન્ટ્સ T20 ફોર્મેટમાં આયોજિત કરવામાં આવશે.

એશિયન ગેમ્સ માટે ભારતીય મહિલા ટીમ:
હરમનપ્રીત કૌર (c), સ્મૃતિ મંધાના (vc), શેફાલી વર્મા, જેમિમા રોડ્રિગ્સ, દીપ્તિ શર્મા, રિચા ઘોષ (wk), અમનજોત કૌર, દેવિકા વૈદ્ય, અંજલિ સરવાણી, તિતાસ સાધુ, રાજેશ્વરી ગાયકવાડ, મિનુ મણિ, કનિકા આહુજા, ઉમા ચિત્રી (વિકેટ-કીપર), અનુષા બારેદી.
સ્ટેન્ડબાય લિસ્ટ: હરલીન દેઓલ, કાશવી ગૌતમ, સ્નેહ રાણા, સાયકા ઈશાક, પૂજા વસ્ત્રાકર.