T20 WC Match Fixing: ટી-20 વર્લ્ડકપમાં 'મેચ ફિક્સિંગ'નું ભૂત... આ ખેલાડીને આવ્યા બુકીઓના ફોન

Match-Fixing Returns in T20 World Cup 2024: T20 વર્લ્ડ કપ 2024 હાલમાં અમેરિકા અને વેસ્ટ ઈન્ડિઝની યજમાનીમાં રમાઈ રહ્યો છે. પરંતુ આ દરમિયાન મેચ ફિક્સિંગનો એક મોટો મામલો સામે આવ્યો છે. યુગાન્ડાના એક ખેલાડીએ ઈન્ટરનેશનલ ક્રિકેટ કાઉન્સિલ (ICC)ને ફરિયાદ કરી છે કે તેને અજાણ્યા નંબર પરથી અનેક કોલ આવ્યા છે.

તમને જણાવી દઈએ કે ક્રિકેટમાં મેચ ફિક્સિંગ જેવી બાબતો હજુ પણ ICC માટે મોટો માથાનો દુખાવો બની રહી છે. T20 વર્લ્ડ કપમાં ફરી એકવાર આ મામલો સામે આવ્યો છે. કેન્યાના ભૂતપૂર્વ ક્રિકેટરે યુગાન્ડાના ખેલાડીને અલગ-અલગ નંબરથી ફોન કરીને ફિક્સિંગની ઓફર પણ કરી હોવાનું બહાર આવ્યું છે. જો કે, ICCના એન્ટી કરપ્શન યુનિટ (ACU) એ તરત જ મામલો થાળે પાડ્યો હતો.

ભૂતપૂર્વ ફાસ્ટ બોલરે યુગાન્ડાના ખેલાડીને ફોન કર્યો

PTIને જાણવા મળ્યું છે કે આ ઘટના ગયાનામાં વર્લ્ડ કપ લીગ સ્ટેજની મેચો દરમિયાન બની હતી, જ્યાં કેન્યાના ભૂતપૂર્વ ફાસ્ટ બોલરે જુદા જુદા નંબરો પરથી યુગાન્ડાની ટીમના સભ્યનો વારંવાર સંપર્ક કરવાનો પ્રયાસ કર્યો હતો.

યુગાન્ડાના ખેલાડીએ આઈસીસીના ભ્રષ્ટાચાર વિરોધી પ્રોટોકોલનું પાલન કર્યું અને ત્યાં હાજર ACU અધિકારીઓને જાણ કરી. અધિકારીઓએ આના પર તાત્કાલિક કાર્યવાહી કરી અને તમામ સહયોગી ટીમોને કેન્યાના આ ભૂતપૂર્વ ખેલાડી વિશે સતર્ક રહેવા કહ્યું.

મોટી ટીમો કરતાં નાના દેશો સરળ ટાર્ગેટ

એક સૂત્રએ પીટીઆઈને જણાવ્યું કે, 'તે આશ્ચર્યજનક નથી કે વ્યક્તિએ યુગાન્ડાની રાષ્ટ્રીય ટીમના ખેલાડીને નિશાન બનાવ્યા. મોટી ટીમો કરતાં નાના દેશો આસાન લક્ષ્યાંક છે, પરંતુ આ કિસ્સામાં ખેલાડીએ ટૂંક સમયમાં ICCને જાણ કરીને સારું કામ કર્યું.

ભ્રષ્ટ ઓફરની જાણ કરવામાં નિષ્ફળતા એ ICC એન્ટી કરપ્શન કોડ હેઠળ ગુનો છે. અન્ય ગુનાઓમાં મેચ ફિક્સિંગ, રમત પર સટ્ટો રમવો, અંદરની માહિતીનો દુરુપયોગ અને તપાસમાં અસહકારનો સમાવેશ થાય છે.

યુગાન્ડાએ T20 વર્લ્ડ કપમાં પોતાના અભિયાનની શરૂઆત પાપુઆ ન્યૂ ગિની સામેની જીત સાથે કરી હતી પરંતુ તે પછી તેને અફઘાનિસ્તાન, ન્યૂઝીલેન્ડ અને વેસ્ટ ઈન્ડિઝ સામે હારનો સામનો કરવો પડ્યો હતો. તેણે ગયાનામાં તેની ચારમાંથી ત્રણ મેચ રમી હતી.

2011ના વર્લ્ડ કપ દરમિયાન પણ બુકીઓએ સંપર્ક કર્યો હતો

અન્ય એક સૂત્રએ કહ્યું, 'ખેલાડીઓ, ખાસ કરીને નાના દેશોના ક્રિકેટરોનો હંમેશા સંપર્ક કરવામાં આવે છે. T20 વર્લ્ડ કપ જેવી મોટી સ્પર્ધાઓમાં વધુ સાવધાની રાખવામાં આવે છે અને જો ICC ACUને કોઈ ઓફરની માહિતી આપવામાં આવે છે તો પ્રોટોકોલ મુજબ યોગ્ય તપાસ કરવામાં આવે છે.

મોટી સ્પર્ધાઓમાં ભ્રષ્ટ ઓફરની આ પહેલી ઘટના નથી. ભારતમાં રમાયેલા 2011 ODI વર્લ્ડ કપ દરમિયાન, કથિત બુકીઓએ કેનેડિયન વિકેટકીપર હમઝા તારિકનો સંપર્ક કર્યો હતો, જેણે તરત જ અધિકારીઓને જાણ કરી હતી.