ICC T20 World Cup 2024 schedule : T20 વર્લ્ડ કપ 2024નું શેડ્યૂલ જાહેર, જોઈ લો આ તારીખે ભારત-પાકિસ્તાનનો હાઈવૉલ્ટેજ મુકાબલો રમાશે

ICC T20 World Cup 2024 schedule announced : આગામી સમયમાં વેસ્ટ ઈન્ડિઝ અને યુએસએમાં રમાનાર 2024 T20 વર્લ્ડ કપનું શેડ્યૂલ જાહેર થઈ ગયું છે. ગ્રુપ Aમાં ભારતનો સામનો પાકિસ્તાન, અમેરિકા, કેનેડા અને આયર્લેન્ડ સામે થશે. ટૂર્નામેન્ટની શરૂઆતની મેચ યુએસએ અને કેનેડા વચ્ચે રમાશે.

2024 T20 વર્લ્ડ કપમાં કુલ 55 મેચો રમાશે. વેસ્ટ ઈન્ડિઝ અને યુએસએમાં 9 સ્થળો પર આ મેચો રમાશે. જેમાં ત્રણ અમેરિકન શહેરો ન્યુયોર્ક સિટી, ડલ્લાસ અને મિયામી વર્લ્ડ કપ મેચોની યજમાની કરશે. ભારત અને પાકિસ્તાન વચ્ચેની મેચ 9 જૂને ન્યૂયોર્ક સિટીમાં રમાશે. ક્રિકેટના મેદાન પર આ વર્ષની આ સૌથી મોટી ટક્કર હોઈ શકે છે.

ભારતીય ટીમનું શેડ્યૂલ

5 જૂન- ભારત વિ. આયર્લેન્ડ, ન્યૂયોર્ક
9 જૂન- ભારત વિ.  પાકિસ્તાન, ન્યૂયોર્ક
12 જૂન- ભારત વિ. યુએસએ, ન્યુયોર્ક
15 જૂન- ભારત વિ. કેનેડા, ન્યૂયોર્ક

T20 વર્લ્ડ કપ 2024ના તમામ ગ્રુપ

ગ્રુપ A- ભારત, પાકિસ્તાન, આયર્લેન્ડ, કેનેડા, યુએસએ.
ગ્રુપ B- ઈંગ્લેન્ડ, ઓસ્ટ્રેલિયા, નામિબિયા, સ્કોટલેન્ડ, ઓમાન.
ગ્રુપ C- ન્યુઝીલેન્ડ, અફઘાનિસ્તાન, વેસ્ટ ઈન્ડિઝ, યુગાન્ડા, PNG.
ગ્રુપ ડી- દક્ષિણ આફ્રિકા, બાંગ્લાદેશ, નેધરલેન્ડ, શ્રીલંકા, નેપાળ.

T20 વર્લ્ડ કપ 2024નું ફોર્મેટ આવું હશે

આગામી T20 વર્લ્ડ કપ 4 જૂનથી 30 જૂન સુધી વેસ્ટ ઈન્ડિઝ અને યુએસએમાં રમાશે. 20 ટીમોની આ ટુર્નામેન્ટ કુલ નોકઆઉટ સહિત કુલ 3 તબક્કામાં રમાશે. તમામ 20 ટીમોને 5-5ના 4 ગ્રુપમાં વહેંચવામાં આવશે. દરેક ગ્રુપની ટોપ-2 ટીમ સુપર-8માં એન્ટ્રી કરશે. આ પછી તમામ 8 ટીમોને 4-4ના 2 ગ્રુપોમાં વહેંચવામાં આવશે. સુપર-8 સ્ટેજમાં બંને ગ્રુપથની બે-બે ટીમો સેમી ફાઈઇનલમાં એન્ટ્રી કરશે. બે ટીમો બે સેમી ફાઈનલ મેચ દ્વારા ફાઈનલમાં પ્રવેશ કરશે. એટલે કે આગામી ટી20 વર્લ્ડ કપ અગાઉના ટી20 વર્લ્ડ કપથી તદ્દન અલગ હશે અને તેમાં ક્વોલિફાઈંગ રાઉન્ડ રમાશે નહીં અને સુપર-12 સ્ટેજ પણ હશે નહીં.