T20 World Cup: ભારતીય ટીમનો સેમીફાઈનલ માટે તખ્તો તૈયાર, રોહિત બ્રિગેડ સામે જાણો કેટલા પડકાર

T20 world cup 2024 super 8 schedule: ભારતીય ક્રિકેટ ટીમ T20 વર્લ્ડ કપ 2024 ની સેમી ફાઇનલમાં પહોંચવા માટે તૈયાર છે. તે ગ્રુપ A નો ભાગ હતી અને ત્યાં ટોપ પર રહી. રોહિત શર્માની કેપ્ટન્સીમાં ટીમ ઈન્ડિયાએ ચાર મેચ રમી અને ત્રણમાં જીત મેળવી. એક મેચ અનિર્ણિત રહી હતી. હવે 20 જૂનથી ભારતીય ટીમ સુપર-8 ની સફર શરૂ કરશે. સુપર-8 માં ભારત કઇ ટીમો સાથે છે તે જોતા તેની સેમીફાઇનલની ટિકિટ નિશ્ચિત જણાય છે. જોકે, ભારતીય ટીમ માટે એક સમસ્યા એ હોઈ શકે છે કે તે હજુ સુધી આ ટૂર્નામેન્ટમાં વેસ્ટ ઈન્ડિઝમાં રમી નથી, તેથી તેણે કોઈ પણ સમય બગાડ્યા વિના પોતાની જાતને પરિસ્થિતિઓને અનુકૂળ બનાવવી પડશે. સાથે જ બેટિંગ પર પણ કામ કરવું પડશે કારણ કે અત્યાર સુધી આ વિભાગમાં રમત એટલી ખાસ દેખાય નથી.

ભારત માટે સેમિફાઇનલમાં એન્ટ્રી મુશ્કેલ

ભારતનો  સુપર-8માં અફઘાનિસ્તાન, ઓસ્ટ્રેલિયા અને બાંગ્લાદેશ સામે ટક્કર થશે. તેની પ્રથમ મેચ અફઘાન ટીમ સામે 20 જૂને બ્રિજટાઉન, બાર્બાડોસમાં રમાશે. સ્પિન અહીં ઘણી મદદ કરે છે. આ સંદર્ભમાં મેચ ટક્કરનો થશે. જોકે ભારત ક્યારેય અફઘાનિસ્તાન સામે હાર્યું નથી. આ ગ્રાઉન્ડ પર ટીમ ઈન્ડિયા અહીં બે મેચ રમી છે અને બંને ટી20 વર્લ્ડ કપ 2010 માં રમાઈ હતી જેમાં બંને મેચ હારી હતી.

T20 WC 2024: સુપર 8 ના હાઈવૉલ્ટેજ મુકાબલામાં ભારતના મેચ ક્યારે? આ ત્રણ ટીમની સામે થશે ટક્કર

એન્ટિગુઆમાં ભારતની બીજી સુપર-8 મેચ

સુપર-8માં ટીમ ઈન્ડિયાની બીજી મેચ એન્ટીગુઆના સર વિવિયન રિચર્ડ્સ સ્ટેડિયમમાં રમાશે. અહી તે બાંગ્લાદેશ ટીમ સાથે ટકરાશે. લેગ સ્પિન અહીં ખૂબ જ નિર્ણાયક રહે છે. ટીમ ઈન્ડિયા પાસે કુલદીપ યાદવ અને યુઝવેન્દ્ર ચહલના રૂપમાં બે લેગ સ્પિનર ​​છે. આ ઉપરાંત ટી20 વર્લ્ડ કપમાં ભારત બાંગ્લાદેશ સામે હાર્યું નથી.

સુપર-8માં ભારતનો નિર્ણયક મુકાબલો ઓસ્ટ્રેલિયા સામે 

સુપર-8માં ભારતીય ટીમ સામે છેલ્લો પડકાર ઓસ્ટ્રેલિયાનો હશે. આ બંને ટીમો સેન્ટ લુસિયાના ગ્રોસ આઈલેટ સ્ટેડિયમમાં ટકરાશે. આ મેચ ખૂબ જ કપરી બની શકે છે. તાજેતરના સમયમાં ઓસ્ટ્રેલિયાએ અંડર-19 વર્લ્ડ કપ સહિત આઈસીસી ઈવેન્ટ્સમાં ત્રણ વખત ભારતનું દિલ તોડ્યું છે. ભારતે 2010માં આ મેદાન પર મેચ જીતી હતી. આવી સ્થિતિમાં તેને અહીં બેટિંગ પર ઘણી મહેનત કરવી પડશે. જો બોલરો બાકીની રમતમાં પોતાનું ફોર્મ જાળવી રાખશે તો ટીમ ઈન્ડિયાની સેમીફાઈનલ નક્કી થઈ જશે.