IPL 2024: મુંબઈ ઈન્ડિયન્સના ફેન્સ માટે ખુશીના સમાચાર, T20 નો નંબર-1 બેટ્સમેન કરશે વાપસી

Suryakumar yadav fit to join IPL MI Team: ઈન્ડિયન પ્રીમિયર લીગ (IPL) 2024ની સીઝનમાં મુંબઈ ઈન્ડિયન્સ (MI) ટીમ માટે અત્યાર સુધી કંઈપણ બરાબર થયું નથી. રોહિત શર્માના સ્થાને નવા સુકાની હાર્દિક પંડ્યા સાથે ટુર્નામેન્ટમાં ઉતરેલી ટીમ અત્યાર સુધી તેની તમામ પ્રથમ 3 મેચ હારી ગઈ છે. પરંતુ આ દરમિયાન કેપ્ટન પંડ્યા અને ટીમ માટે એક ખૂબ જ સારા સમાચાર સામે આવ્યા છે. ઈજાના કારણે બહાર રહેલો T20નો નંબર-1 બેટ્સમેન સૂર્યકુમાર યાદવ ફિટ થઈ ગયો છે અને ટૂંક સમયમાં મુંબઈની પ્લેઈંગ-11માં વાપસી કરી શકે છે.

આ કારણે પ્રથમ 3 મેચથી બહાર હતો સૂર્યકુમાર

સૂત્રોના જણાવ્યા અનુસાર, સૂર્યાને ફિટ જાહેર કરવામાં આવ્યો છે અને એવી સંભાવના છે કે તે ટૂંક સમયમાં ટીમમાં સામેલ થઈ શકે છે. સ્પોર્ટ્સ હર્નીયા પછી રિહેબ માટે તે NCA (નેશનલ ક્રિકેટ એકેડમી)માં હતો. આ કારણોસર તે પ્રથમ 3 મેચ રમી શક્યો નહોતો. ફ્રેન્ચાઈઝીએ આ સિઝનમાં 5 વખત ટાઈટલ જીતનાર રોહિત શર્માને હટાવીને સ્ટાર ઓલરાઉન્ડર હાર્દિક પંડ્યાને કેપ્ટન બનાવ્યો હતો. આ પછી ટીમનું પ્રદર્શન વ્યર્થ ગયું. મુંબઈની ટીમને આ સિઝનની પ્રથમ ત્રણ મેચમાં હારનો સામનો કરવો પડ્યો છે. આ ઉપરાંત કેપ્ટન પંડ્યાને પણ ચાહકોના ગુસ્સાનો સામનો કરવો પડી રહ્યો છે.

આ પણ વાંચો:- IPL 2024 વચ્ચે CSK ને લાગ્યો મોટો ઝટકો, બહાર થયો આ ઘાતક ખેલાડી

મુંબઈને હવે આગામી મેચ દિલ્હી સાથે રમવાની છે

વર્તમાન સિઝનમાં મુંબઈને પ્રથમ મેચમાં ગુજરાત સામે, બીજી મેચમાં હૈદરાબાદ સામે અને ત્રીજી મેચમાં રાજસ્થાન રોયલ્સ સામે હારનો સામનો કરવો પડ્યો હતો. મુંબઈની ટીમ હવે તેની આગામી મેચ દિલ્હી કેપિટલ્સ સામે રવિવારે એટલે કે 7 એપ્રિલે રમવાની છે.