IND vs SL: હિટમેન રોહિત શર્માના નિશાને બે મહારેકોર્ડ, વર્લ્ડ ક્રિકેટમાં કરશે કમાલ

Rohit Sharma ODI Record: ટીમ ઈન્ડિયાને T20 ચેમ્પિયન બનાવ્યા બાદ રોહિત શર્માએ નિવૃત્તિની જાહેરાત કરી દીધી હતી પરંતુ તે પછી શ્રીલંકા સામેની વનડે સીરીઝમાંથી મેદાનમાં પરત ફરતા હવે વનડે ક્રિકેટમાં હલચલ મચી ગઈ છે. ભારતીય કેપ્ટન હવે શ્રીલંકા સામે રમી રહ્યો છે બે વનડે મેચમાં શાનદાર ફોર્મમાં છે. રોહિત શર્માએ શ્રીલંકા સામેની બંને પ્રથમ વનડે મેચોમાં અડધી સદી ફટકારી છે, જે દરમિયાન રોહિત 300 વનડે સિક્સર મારનાર પ્રથમ ભારતીય બેટ્સમેન બનીને ઈતિહાસ રચી ચૂક્યો છે, પરંતુ છેલ્લી વનડેમાં તેણે એક કે બે નહીં પરંતુ ત્રણ રેકોર્ડ પોતાના નામે કર્યા છે. તેના માટે વધુ એક તક છે.

રોહિતના નિશાના પર ક્રિસ ગેલનો શાનદાર રેકોર્ડ

ODI મેચમાં સૌથી વધુ સિક્સરનો રેકોર્ડ પાકિસ્તાનના પૂર્વ કેપ્ટન શાહિદ આફ્રિદીના નામે છે, આફ્રિદીએ 398 ODI મેચમાં 351 સિક્સર ફટકારી છે. બીજી તરફ, ભૂતપૂર્વ કેરેબિયન ઓપનર ક્રિસ ગેલે તેની 301 મેચોમાં કુલ 331 છગ્ગા ફટકાર્યા છે, તેથી કેપ્ટન રોહિત શર્મા પાસે ક્રિસ ગેલનો સિક્સરનો રેકોર્ડ તોડવાની મોટી તક છે.

આટલા રન બનાવતા જ દ્રવિડનો રેકોર્ડ તૂટી જશે

જો રોહિત શર્મા છેલ્લી ODIમાં 59 રન બનાવશે, તો તે ભૂતપૂર્વ ભારતીય કોચ રાહુલ દ્રવિડનો ODIમાં 10,889 રનનો રેકોર્ડ તોડી નાખશે અને ભારત માટે ODIમાં સૌથી વધુ રન બનાવનારા ટોચના પાંચ બેટ્સમેનોની યાદીમાં સામેલ થઈ જશે.