'હાર્દિક પંડ્યાએ મારું સ્લેજિંગ કર્યું', Mumbai Indians ને લઈને RCBના ખેલાડીએ કર્યા ચોંકાવનારા ખુલાસા

Hardik Pandya-Dinesh Karthik: IPL 2024ની 17મી સીઝન સમાપ્ત થઈ ગઈ છે. આ સીઝનમાં કોલકાતા નાઈટ રાઈડર્સ નવી ચેમ્પિયન બની છે. આ સીઝનને ખાસ કરીને કોલકાતાના વર્ચસ્વ અને રોયલ ચેલેન્જર્સ બેંગલોરના શાનદાર કમબેક માટે યાદ કરવામાં આવશે. કોલકાતાએ આખી સિઝનમાં પોતાનું વર્ચસ્વ જાળવી રાખ્યું અને આખરે ટાઇટલ જીત્યું. જ્યારે RCBએ દુનિયાને બતાવ્યું કે કેવી રીતે કમબેક કરવું. જોકે એલિમિનેટરમાં આખરે તે બહાર થઈ ગયું હતું.

સીઝન પૂરી થયા બાદ કાર્તિકના પંડ્યા પર આરોપ

પ્રથમ 8 મેચમાંથી 7 હાર્યા બાદ RCBએ સતત છ મેચ જીતીને પ્લેઓફમાં જગ્યા બનાવી હતી. એક સમયે તે છેલ્લા સ્થાને હતી, પરંતુ પછી તેણે ચોથું સ્થાન મેળવીને આ સિઝનમાં તેની સફર સમાપ્ત કરી. RCBના આ પ્રદર્શનમાં સૌથી મોટી ભૂમિકા દિનેશ કાર્તિકની હતી. તેણે પોતાની વિસ્ફોટક બેટિંગથી ટીમને ઘણી મહત્વની જીત અપાવી. રાજસ્થાન રોયલ્સ સામેની એલિમિનેટર મેચ પણ તેની છેલ્લી IPL મેચ હતી. સિઝન પૂરી થયા બાદ દિનેશ કાર્તિકે મોટો ખુલાસો કર્યો છે. તેણે કહ્યું કે, મુંબઈ ઈન્ડિયન્સના કેપ્ટન હાર્દિક પંડ્યાએ તેનું સ્લેજિંગ કર્યું હતું.

પંડ્યા લેગ સ્પિનર્સ સામે કાર્તિકને નબળો માનતો

ક્રિકબઝ શોમાં, કાર્તિકે ઓનફિલ્ડ પંડ્યા સાથેની તેની વાતચીત વિશે ખુલાસો કર્યો. તેણે કહ્યું કે, મુંબઈ ઈન્ડિયન્સના કેપ્ટને તેને સ્લેજ કરવાની કોઈ તક છોડી નથી. એક કિસ્સો શેર કરતી વખતે, કાર્તિકે જણાવ્યું કે પંડ્યાને લાગ્યું કે તે લેગ સ્પિનર ​​સામે નબળો છે.