IPL 2024: KKRની જીત બાદ લાગ્યો મોટો ઝટકો, આ સ્ટાર ખેલાડી થયો ઈજાગ્રસ્ત; થઈ શકે છે બહાર

IPL 2024 KKR: IPL 2024ની 16મી મેચમાં શ્રેયસ ઐયરની કોલકાતા નાઈટ રાઈડર્સે દિલ્હી કેપિટલ્સ સામે 106 રનોથી મોટી જીત નોંધાવી. આ મેચમાં KKRના બેટ્સમેનોએ શાનદાર પ્રદર્શન કર્યું. સુનીલ નરેનથી લઈને રસેલ અને રિંકુ સિંહ સુધીએ દિલ્હીના બોલરોને ઘણા દોડાવ્યા. IPL 2024માં KKRની આ સતત ત્રીજી જીત છે. જોકે, આ મેચ જીત્યા બાદ પણ KKRને મોટો ઝટકો લાગ્યો છે. ટીમનો સ્ટાર ખેલાડી ઈજાગ્રસ્ત થયો છે, જે બાદ આ ખેલાડીના ટીમમાંથી બહાર થવાનો ખતરો મંડરાઈ રહ્યો છે. 

આ ખેલાડી થયો ઈજાગ્રસ્ત

વાસ્તવમાં દિલ્હી કેપિટલ્સ સામે KKRની બોલિંગ પણ ઘણી શાનદાર રહી છે.  KKR તરફથી આ ટુર્નામેન્ટમાં અત્યાર સુધી હર્ષિત રાણાએ ઘણી શાનદાર બોલિંગ કરી છે. દિલ્હી કેપિટલ્સ સામે પણ ટીમને હર્ષિત રાણા પાસેથી શાનદાર બોલિંગની અપેક્ષા હતી. પરંતુ હર્ષિત રાણા ઈનિંગની છઠ્ઠી ઓવરમાં જ મેદાન છોડીને બહાર ચાલ્યા ગયા હતા. 

આ પણ વાંચોઃ IPL 2024: મુંબઈ ઈન્ડિયન્સના ફેન્સ માટે ખુશીના સમાચાર, T20 નો નંબર-1 બેટ્સમેન કરશે વાપસી

હર્ષિત રાણાની ઈજાએ વધારી ચિંતા

જે બાદ મેચ દરમિયાન હર્ષિત રાણાના ખભા પર આઈસ પેક લાગેલું જોવા મળ્યું. એટલે કે હર્ષિતને ખભામાં ઈજા થઈ હતી જેના કારણે તેમણે બોલિંગ કર્યા વગર જ મેદાનમાંથી બહાર જવું પડ્યું હતું. હર્ષિત રાણાએ આ મેચમાં એક પણ ઓવર નાખી ન હતી. હર્ષિત રાણાની ઈજાએ KKRની ચિંતા વધારી દીધી છે.

IPL 2024માં હર્ષિત રાણાનું પ્રદર્શન

હર્ષિત રાણા આ વખતે તેમની પ્રથમ IPL સિઝન રમી રહ્યા છે. આ KKRએ હર્ષિત રાણા પર વિશ્વાસ વ્યક્ત કર્યો છે અને રાણાએ વિશ્વાસ પર ખરા ઉતર્યા છે. પહેલી જ મેચમાં હર્ષિત રાણાએ સનરાઈઝર્સ હૈદરાબાદ સામે શાનદાર બોલિંગ કરી હતી. આ મેચમાં હર્ષિત રાણાએ 4 ઓવરમાં 33 રન આપીને 3 વિકેટ ઝડપી હતી. આ પછી બીજી મેચમાં તેમણે આરસીબી સામે 4 ઓવરમાં 39 રન આપીને 2 વિકેટ ઝડપી હતી. હર્ષિત રાણાએ અત્યાર સુધી બે મેચમાં 5 વિકેટ પોતાના નામે કરી છે. KKR ઈચ્છે છે કે હર્ષિત જલ્દી ફિટ થઈ જાય અને મેદાન પર પાછા ફરે.