'શાહરૂખ, સલમાન અને આમિર સાઈન કરવાથી ફિલ્મ હિટ નથી થતી', MIના પ્રદર્શન પર ભડક્યો સેહવાગ

જો તમે જીતી ગયા હોત તો ચાહકો પંડ્યાને સ્વીકારેત. શરૂઆતની ચાર પાંચ મેચ જીત્યા હોત તો કદાચ ફેન્સ ખુશ થયા હોત. તેઓ કહેત ભલે અમારો ફેવરિટ કેપ્ટન રહ્યો નથી અને બદલાઈ ગયો છે, પંડ્યા પણ રોહિત જેટલો જ સારો છે. છેવટે, ફેન્સ પણ તેમની ટીમને જીતતી જોવા માંગે છે. તે પંડ્યાને ધીરે ધીરે સ્વીકારી લેતા. તેમને લાગે છે કે ઓછામાં ઓછું ટીમ જીતી રહી છે. મુંબઈએ કુલ ચાર મેચ જીતી હતી અને જો આ ચાર જીત શરૂઆતમાં જ મળી હોત તો આ રાયતું ન ફેલાયું હોત.

મોટા ખેલાડીઓએ રમવું પડશે

મુંબઈ ઈન્ડિયન્સમાં આગામી સિઝનમાં કોણ રહેશે અને કોણ બહાર જશે? આ અંગે વાતચીત શરૂ થઈ ગઈ છે. આ અંગે સેહવાગે પણ પોતાનો અભિપ્રાય આપ્યો હતો. તેણે કહ્યું-જો શાહરૂખ ખાન, સલમાન ખાન અને આમિર ખાનને કોઈ ફિલ્મમાં સાઈન કરવામાં આવે તો તેનો અર્થ એ નથી કે ફિલ્મ હિટ થશે. તેના માટે પરફોર્મન્સ આપવું પડશે. જેટલા પણ મોટા નામો છે તેમણે મેદાનમાં આવીને રમવું પડશે.

સેહવાગ સ્પષ્ટપણે કહે છે કે મુંબઈએ માત્ર જસપ્રિત બુમરાહ અને સૂર્યકુમાર યાદવને જ રિટેન કરવા જોઈએ.