ICC ચેમ્પિયન્સ ટ્રોફી પહેલા ટીમ ઈન્ડિયાનું શેડ્યૂલ, જાણો ક્યારે અને કઈ ટીમ સામે રમાશે મેચ?

Team India schedule: ભારતીય ટીમે તાજેતરમાં શ્રીલંકા સાથે T20 અને ODI શ્રેણી રમી હતી. જ્યાં ટીમ ઈન્ડિયાએ ટી-20 સિરીઝમાં 4-1થી અને શ્રીલંકાએ વનડે સિરીઝમાં 2-0થી જીત મેળવી હતી. વનડે સીરીઝની સાથે ટીમ ઈન્ડિયાએ ચેમ્પિયન્સ ટ્રોફી 2-25ની તૈયારીઓ પણ શરૂ કરી દીધી છે. પરંતુ શ્રીલંકા સામેની વનડે શ્રેણીમાં ટીમ ઈન્ડિયાનું પ્રદર્શન ખૂબ જ ખરાબ રહ્યું હતું. જે થોડી ચિંતાનો વિષય છે, જો કે ચેમ્પિયન્સ ટ્રોફી શરૂ થવામાં હજુ ઘણો સમય બાકી છે અને આવી સ્થિતિમાં ટીમ ઈન્ડિયા તેના પ્રદર્શનમાં ઘણો ફેરફાર કરી શકે છે.

ટીમ ઈન્ડિયા એક મહિનાના બ્રેક પર

શ્રીલંકા પ્રવાસ ખતમ થયા બાદ ભારતીય ક્રિકેટ ટીમ એક મહિનાની બ્રેક પર જઈ રહી છે. ICC ચેમ્પિયન્સ ટ્રોફી પહેલા ટીમ ઈન્ડિયાને ઘણી મેચો રમવાની છે જેમાં ટીમને પૂરતી તૈયારી કરવાનો મોકો મળશે. હવે ટીમ ઈન્ડિયાની આગામી શ્રેણી સપ્ટેમ્બરમાં બાંગ્લાદેશ સાથે થવાની છે. આ દરમિયાન ટીમ ઈન્ડિયા બ્રેક પર રહેશે.

ચેમ્પિયન્સ ટ્રોફી પહેલા ટીમ ઈન્ડિયાનું શેડ્યુલ

ODI મેચો પર વિશેષ ધ્યાન કેન્દ્રિત કરીને, એ નોંધવું રસપ્રદ છે કે ભારત ચેમ્પિયન્સ ટ્રોફી પહેલા ઘણી બધી ODI મેચો રમવાનું નથી. તેઓ પહેલાથી જ શ્રીલંકા સામે ત્રણ વન-ડે રમી કરી ચૂક્યા છે અને જાન્યુઆરીમાં ઈંગ્લેન્ડ સામે ત્રણ વધુ મેચ રમશે. તેની પાસે વનડેની તૈયારી માટે માત્ર આટલી જ મેચો બાકી છે.

આ સિવાય ભારતીય ટીમ ઘણી ટેસ્ટ મેચો પણ રમવાની છે. જેમાં બાંગ્લાદેશ સામેની ટેસ્ટ શ્રેણી અને ઓસ્ટ્રેલિયા સામે ઘરઆંગણે બોર્ડર-ગાવસ્કર ટ્રોફીનો સમાવેશ થાય છે. ટીમ ઈન્ડિયા ઓસ્ટ્રેલિયા સામે 5 ટેસ્ટ મેચ રમશે. ચેમ્પિયન્સ ટ્રોફી પહેલા ભારતીય ક્રિકેટ ટીમનો આ કાર્યક્રમ બનવા જઈ રહ્યો છે.