ધોનીની ટીમ CSK પર પ્રતિબંધ મૂકવાની માંગ, છેક વિધાનસભા સુધી પહોંચ્યો મુદ્દો, કારણ તમને હજમ નહીં થાય

તમિલનાડુ: તમિલનાડુ વિધાનસભામાં IPL ક્રિકેટ ટીમનો મુદ્દો ગરમાયો છે. મંગળવારે, PMK ધારાસભ્યએ વિધાનસભામાં મુદ્દો ઉઠાવ્યો અને CSK પર પ્રતિબંધની માંગ કરી. તેમણે દલીલ કરી હતી કે, CSK પર પ્રતિબંધ મૂકવો જોઈએ કારણ કે ટીમમાં કોઈ તમિલ ખેલાડી નથી. વિધાનસભામાં રમતગમત પર બજેટની ચર્ચા દરમિયાન, ધર્મપુરીના પીએમકે (પટ્ટાલી મક્કલ કોચી પાર્ટી)ના ધારાસભ્ય વેંકટેશ્વરને સીએસકે પર પ્રતિબંધની માંગ ઉઠાવી, સભ્યોને ચોંકાવી દીધા.

વેંકટેશ્વરનનું કહેવું છે કે ચેન્નાઈ સુપર કિંગ્સ તમિલનાડુની હોવા છતાં, તમિલ યુવાનોને મહત્વ આપવામાં આવ્યું નથી અને તમિલનાડુના ખેલાડીઓ પણ આ ટીમમાં છે જ નહીં. વેંકટેસને CSK પર જાહેરાતથી કમાણીનો આરોપ લગાવ્યો કે તે તમિલનાડુની ટીમ છે પૈસા કમાય છે જ્યારે રાજ્યનો કોઈ ખેલાડી ટીમમાં હાજર નથી.

તમિલ ખેલાડીઓને CSK ટીમમાં સામેલ કરવાની માંગ
ધારાસભ્ય વેંકટેશ્વરને વિધાનસભામાંથી બહાર નીકળ્યા પછી કહ્યું, ઘણા લોકોએ મને કહ્યું છે. અહીં ઘણા બધા પ્લેયર્સ છે. તમિલનાડુની રાજધાનીના નામે ચેન્નાઈ સુપર કિંગ્સ ટીમનું નામ રાખવામાં આવ્યું છે. ઘણા લોકોએ મને કહ્યું કે આ પ્રકારનું નામ હોવું અને એક પણ ખેલાડી ન હોવો દુર્ભાગ્યપૂર્ણ છે. મેં આ માત્ર વિધાનસભામાં ઉઠાવ્યું છે. તેમણે કહ્યું કે, મંત્રીએ આ મુદ્દે વિધાનસભામાં જવાબ આપ્યો નથી. મને ખાતરી છે કે મુખ્યમંત્રી અને રમત મંત્રી પગલાં લેશે. તમિલનાડુમાં જો કોઈ તમિલ વ્યક્તિને મહત્વ આપવામાં નહીં આવે તો તેને બીજે ક્યાંય નહીં મળે.

IPL મેચની ટિકિટને લઈને વિવાદ
આ સિવાય AIADMKના ધારાસભ્યએ IPL મેચ માટે પાસ માંગ્યો હતો, જેના પર વિવાદ ઊભો થયો હતો. એસપી વેલુમણિ કહે છે કે જ્યારે રાજ્યમાં AIADMK સરકાર હતી ત્યારે તેમને મેચ પાસ આપવામાં આવતા હતા. તેમણે આરોપ લગાવ્યો કે વર્તમાન સરકારને 400 ક્રિકેટ પાસ મળ્યા છે, પરંતુ AIADMK ધારાસભ્યોને એક પણ પાસ આપવામાં આવ્યો નથી.

‘જય શાહ પાસેથી ટિકિટ માંગો…’
એસપી વેલુમણીએ કહ્યું, જ્યારે અમે ટિકિટ માંગી ત્યારે રાજ્યના રમતગમત પ્રધાન ઉદયનિધિ સ્ટાલિને કહ્યું, જાઓ અને BCCIના વડા જય શાહ પાસેથી ટિકિટ લો. વિપક્ષના નેતા વેલુમણી એમ કહીને ટિકિટની માંગ કરી રહ્યા છે કે AIADMK સરકારને ટિકિટ મળતી હતી. પરંતુ છેલ્લા ચાર વર્ષથી અહીં આઈપીએલ થઈ નથી. હવે મને ખબર નથી કે તમને ટિકિટ ક્યાંથી મળી. તેમણે કહ્યું, હું મારા પોતાના પૈસાથી 150 ક્રિકેટ રસીકોને મેચ જોવા માટે લઈ ગયો હતો. વેલુમણિએ કહ્યું, IPL BCCI હેઠળ આવે છે, જેનું નેતૃત્વ તમારા નજીકના મિત્ર અમિત શાહના પુત્ર જય શાહ કરે છે.