ભારતીય ટીમને મોટો ફટકો, આ સ્ટાર ખેલાડીને વેસ્ટ ઈન્ડિઝ સામેની વનડે સિરીઝમાં આપવામાં આવ્યો આરામ

નવી દિલ્હી: ભારતીય ક્રિકેટ ટીમ આજે (27 જુલાઈ)થી વેસ્ટ ઈન્ડિઝ સામે વનડે સિરીઝની શરૂઆત કરવાની છે. પરંતુ તે પહેલા જ ટીમ ઈન્ડિયાને મોટો ઝટકો લાગ્યો છે. ટીમનો સ્ટાર ફાસ્ટ બોલર મોહમ્મદ સિરાજ સિરીઝ માંથી બહાર છે અને તે હવે સ્વદેશ પરત ફર્યો છે.

તમને જણાવી દઈએ કે ભારતીય ટીમ અને વેસ્ટ ઈન્ડિઝ વચ્ચે ત્રણ મેચોની વનડે સીરીઝની પ્રથમ મેચ આજે બ્રિજટાઉનમાં રમાશે. આ મેચ ભારતીય સમય અનુસાર સાંજે 7 વાગ્યાથી રમાશે. આ વનડે સિરીઝની સાથે ભારતીય ટીમ વર્લ્ડ કપનું બ્યુગલ પણ ફૂંકશે.

ભારતીય ટીમ ઓક્ટોબર-નવેમ્બરમાં પોતાના ઘરે જ ODI વર્લ્ડ કપ રમવાની છે. તે પહેલા સપ્ટેમ્બરમાં એશિયા કપ રમાશે. તેને જોતા ટીમ મેનેજમેન્ટે સિરાજને આરામ આપ્યો છે. ભારતીય ટીમે હાલમાં જ વેસ્ટ ઈન્ડિઝને ટેસ્ટ સિરીઝમાં 1-0થી હરાવ્યું છે.

હવે આ 4 ફાસ્ટ બોલરોને ઉતારશે મેદાને
આવી સ્થિતિમાં રવિચંદ્રન અશ્વિન, અજિંક્ય રહાણે, કેએસ ભરત અને નવદીપ સૈની ટેસ્ટ સિરીઝ બાદ ભારત પરત ફર્યા છે. સિરાજ પણ તેની સાથે દેશ પરત ફર્યો છે. હવે સિરાજની ગેરહાજરીમાં માત્ર અનુભવી શાર્દુલ ઠાકુર જ વેસ્ટ ઈન્ડિઝ સામેની વનડે સિરીઝમાં ફાસ્ટ બોલિંગની આગેવાની કરતો જોવા મળશે. શાર્દુલે અત્યાર સુધી 35 મેચમાં 50 વિકેટ લીધી છે. તેમના સિવાય ઉમરાન મલિક, જયદેવ ઉનડકટ અને મુકેશ કુમાર ઝડપી બોલર તરીકે ટીમમાં સામેલ થશે.મુકેશ કુમાર હવે વનડેમાં ડેબ્યૂની રાહ જોઈ રહ્યો છે. સિરાજને હટાવવાથી તેની તકો વધી ગઈ છે. ભારતીય ટીમ મેનેજમેન્ટ પણ સિરાજના રિપ્લેસમેન્ટને લાવવા માંગે છે, કારણ કે તેમની પાસે ઝડપી બોલિંગ ઓલરાઉન્ડર હાર્દિક પંડ્યા પણ છે.

ભારતીય ટીમ મેનેજમેન્ટ પણ સિરાજના રિપ્લેસમેન્ટને લાવવા માંગે છે, કારણ કે તેમની પાસે ઝડપી બોલિંગ ઓલરાઉન્ડર હાર્દિક પંડ્યા પણ છે. ODI બાદ ભારતીય ટીમે વેસ્ટ ઈન્ડિઝના પ્રવાસ પર 5 T20 મેચોની સિરીઝ પણ રમવાની છે. સિરાજ આ સિરીઝનો ભાગ નથી. આ જ કારણ છે કે તે હવે પોતાના ઘરે પરત ફર્યો છે.

ODI સિરીઝ માટે બંને ટીમો

ભારતીય ટીમ:
ભારતીય ટીમઃ રોહિત શર્મા (કેપ્ટન), શુભમન ગિલ, ઋતુરાજ ગાયકવાડ, વિરાટ કોહલી, સૂર્યકુમાર યાદવ, સંજુ સેમસન (વિકેટકીપર), ઈશાન કિશન (વિકેટકીપર), હાર્દિક પંડ્યા (વાઈસ-કેપ્ટન), શાર્દુલ ઠાકુર, રવિન્દ્ર જાડેજા, અક્ષર પટેલ, યુઝવેન્દ્ર ચહલ, કુલદીપ યાદવ, જયદેવ ઉનડકટ, ઉમરાન મલિક, મુકેશ કુમાર.

વેસ્ટ ઈન્ડિઝ ટીમ:
શાઈ હોપ (કેપ્ટન), રોવમેન પોવેલ (વાઈસ-કેપ્ટન), એલીક અથાનાજ, યાનિક કરિહા, કેસી કાર્ટી, ડોમિનિક ડ્રેક્સ, શિમરોન હેટમાયર, અલઝારી જોસેફ, બ્રાન્ડોન કિંગ, કાયલ મેયર્સ, ગુડાકેશ મોટ્ટી, જયડન સીલ્સ,  રોમારિયો શેફર્ડ, કેવિન સિંકલેર, ઓશેન થોમસ.