કેજરીવાલની વધી શકે છે મુશ્કેલી, ગોવા પોલીસે પૂછપરછ માટે બોલાવ્યા

નવી દિલ્હી: ગોવા પોલીસે દિલ્હીના મુખ્યમંત્રી અરવિંદ કેજરીવાલને સમન્સ જારી કર્યું છે. પોલીસે સીએમ કેજરીવાલને ગુરુવારે 27 એપ્રિલે હાજર થવા જણાવ્યું છે. 2022ની વિધાનસભા ચૂંટણીના પ્રચાર દરમિયાન સરકારી સંપત્તિ અને સાર્વજનિક સ્થળો પર ચૂંટણી પોસ્ટર ગેરકાયદેસર રીતે ચોંટાડવા અને લગાવવાના સંબંધમાં ગોવા પોલીસ દ્વારા આ નોટિસ જારી કરવામાં આવી છે. સમન્સ અનુસાર અરવિંદ કેજરીવાલે પરનેમ પોલીસ સમક્ષ હાજર થવું પડશે.

પરનેમ પોલીસે તેની સૂચનામાં જણાવ્યું છે કે કેસની તપાસ દરમિયાન, તે પ્રકાશમાં આવ્યું છે કે અમારી પાસે હાલની તપાસના સંબંધમાં તથ્યો અને સંજોગો જાણવા માટે તમારી (અરવિંદ કેજરીવાલ) પૂછપરછ કરવા માટે વાજબી કારણો છે. નોટિસ અનુસાર, અરવિંદ કેજરીવાલને 27 એપ્રિલે સવારે 11 વાગ્યે પરનેમ પોલીસ સ્ટેશનમાં હાજર થવા માટે કહેવામાં આવ્યું છે.

લોકસભા ચૂંટણીને લઈને ભાજપની તૈયારીઃ રાજપીપળા APMCમાં ખાસ મિટિંગ

કેજરીવાલને 27 એપ્રિલે રહેવું પડશે હાજર
નોટિસ અનુસાર કેજરીવાલને 27 એપ્રિલે સવારે 11 વાગ્યે પરનેમ પોલીસ સ્ટેશનમાં હાજર થવા માટે કહેવામાં આવ્યું છે. એક વરિષ્ઠ પોલીસ અધિકારીએ જણાવ્યું હતું કે, પરનેમ પોલીસ ગોવા પ્રિવેન્શન ઑફ ડિફેસમેન્ટ ઑફ પ્રોપર્ટી એક્ટ હેઠળ વિધાનસભા ચૂંટણી પ્રચાર દરમિયાન જાહેર સ્થળોની દિવાલો પર ચૂંટણી પોસ્ટર ચોંટાડવાના આરોપ હેઠળ નોંધાયેલા કેસની તપાસ કરી રહી છે. ભારતીય જનતા પાર્ટી (BJP) શાસિત રાજ્યમાં 2022ની ચૂંટણીમાં આમ આદમી પાર્ટીએ બે બેઠકો જીતી હતી.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…