લોકો ‘ઉડતા ગુજરાત’નાં નામે રાજ્યને બદનામ કરવા તત્પર, હર્ષસંઘવીનું લઠ્ઠાકાંડ મુદ્દે નિવેદન

GUJARAT TAK બેઠકમાં ઈન્ડિયા ટૂડે ગ્રુપની ગુજરાતી ન્યૂઝ વેબસાઈટ gujarattak.inના લોન્ચિગ કાર્યક્રમમાં હર્ષ સંઘવીએ કેમિકલ કાંડ અંગે નિવેદન આપ્યું હતું. આ વિષયને પોલિટિકલ કે પછી પોલીસ પર જ કેન્દ્રિત કરવાનો નથી. આ વિષય પર જવાબદારી લઈને કામ કરવી એ ખૂબ મોટી ચેલેન્જ છે. અમે આ કેમિકલ કાંડ પછી હોસ્પિટલ સુધી દર્દીઓને લઈ જવાથી લઈ તેમના જીવ બચાવવા ખડેપગે ઊભા રહ્યા છીએ. અનેક લોકો માટે આ રાજકીય વિષય હતો, પરંતુ અમારા માટે આ સંવેદનાનો વિષય હતો. અમારી પ્રાથમિકતા પહેલા વધુમાં વધુ લોકોને બચાવવાની હતી, પછી પગલાં લેવાના હતા.રાજસ્થાન, મહારાષ્ટ્ર અને પંજાબમાં જતા ડ્રગ્સને રોકવાની કામગીરી ગુજરાત પોલીસે કરી છે.

અમારા માટે આ સંવેદનાનો વિષય છે, રાજકીય નહીં- હર્ષ સંઘવી
હર્ષ સંઘવીએ વધુમાં જણાવ્યું કે જો પહેલા દિવસે જ અમે ખડેપગે ત્યાં કાર્યવાહી કરવા લાગ્યા હોત તો પછી લોકોને હોસ્પિટલ સુધી કોણ પહોંચાડશે. જેણે આ કેમિકલ કાંડના આરોપીઓને પકડવા અમે કામગીરી તો હાથ ધરી જ દીધી હતી, એની સાથે જ લોકોને હોસ્પિટલ પહોંચાડવાથી લઈ સારવારમાં કોઈ અછત રહે એની પણ કાળજી રાખી હતી.

ગુજરાતને બદનામ કરવા માટે લોકો તત્પર છે- હર્ષ સંઘવી
હર્ષ સંઘવીએ કહ્યું લોકો અત્યારે ઉડતા પંજાબની જેમ આપણા રાજ્યને ઉડતા ગુજરાત તરીકે બદનામ કરવા તત્પર છે. ગુજરાત પોલીસે ડ્રગ્સ રેકેટના પર્દાફાશ કર્યા જ છે. હર્ષ સંઘવીએ જણાવ્યું કે સાહેબ મને અન્ય રાજ્યોના ઘણા અધિકારીએ આ અંગે ભવિષ્યવાણી કરી જ હતી. કે ગુજરાતને આ મામલે બદનામ કરવા અન્ય લોકો બદનામ કરશે જ.

ગુજરાતનો ઈતિહાસ જુઓ, ભાજપે સ્થિતિ સુધારી- હર્ષ સંઘવી
હર્ષસંઘવીએ વધુમાં જણાવ્યું હતું કે ગુજરાતની 2002 પહેલાંની સ્થિતિ વિશે જાણકાર છો. ગુજરાતના યુવાનો સ્કૂલ કે કોલેજ પણ નહોતા જઈ શકતા. મારી ઉંમરના લોકોને સાચી માહિતી આપવી જ જોઈએ. 2022માં અત્યારે ગુજરાત દેશમાં નંબર-1 છે એમાં ભાજપ અને પોલીસનું યોગદાન મહત્ત્વપૂર્ણ છે.