શનિવારે કેજરીવાલ જામનગરના પ્રવાસે, વેપારીઓ માટે મોટી જાહેરાત કરી શકે છે

જામનગરઃ રાજ્યમાં વર્ષના અંતે વિધાનસભાની ચૂંટણી આવી રહી છે. તેવામાં આમ આદમી પાર્ટી પણ આ વખતે ચૂંટણીનાં મેદાનમાં પદાર્પણ કરવા માટે થનગની રહી છે. AAPએ ચૂંટણીલક્ષી તમામ તૈયારીઓ શરૂ કરી દીધી છે. આની સાથે જ AAPનાં સુપ્રીમો અરવિંદ કેજરીવાલનાં ગુજરાત પ્રવાસ પણ સતત વધી રહ્યા છે. આ શનિવારે કેજરીવાલ જામનગરનાં પ્રવાસે આવશે અને અહીં વેપારીઓને લગતા પ્રશ્નો તથા બિઝનેસ સંબંધી મોટી જાહેરાતો કરી શકે છે.

વેપારીઓની સમસ્યા સાંભળશે કેજરીવાલ…
AAPનાં સુપ્રીમો અરવિંદ કેજરીવાલ 6 ઓગસ્ટે જામનગર શહેરમાં આવેલા ઓશવાળ સેન્ટરમાં સભાને સંબોધશે. આ દરમિયાન તેઓ વેપારીઓ સાથે પણ સંવાદ કરશે, જેમાં જામનગરના જથ્થાબંધ વેપારીઓ, ઈન્ડસ્ટ્રીયલ, રિટેલ વેપારીઓ ભાગ લેશે. આ તમામ વેપારીઓ આ સભામાં તેમને પડતી મુશ્કેલીઓનું નિરાકરણ લાવવા માટેનો મુદ્દો રજૂ કરી શકે છે.

આમ આદમી પાર્ટીએ 10 નેતાની યાદી બહાર પાડી
ગુજરાતની ચૂંટણીમાં આ ત્રિપાંખીયા જંગ જાવશે એવામાં આમ આદમી પાર્ટીએ 10 સીટો પરથી ઉમેદરવારોના નામની જાહેરાત કરી છે. જેમાં ભેમાભાઈ ચૌધરી, જગમલ વાળા, સાગર રબારી, સુધીર વાઘાણી, રાજેન્દ્ર સોલંકી, ઓમ પ્રકાશ તિવારી, વશરામ સાગઠિયા અર્જુન રાઠવા, રામ ધડુક તથા શિવલાલ બારસિયાનો તક આપવામાં આવી છે. ત્યારે આમ આદમી પાર્ટીએ ચૂંટણી માટે ઉતારેલા આ 10 ઉમેદવારો કોણ છે તથા તેઓ ક્યાંથી ચૂંટણી લડશે તેના પર એક નજર કરીએ.

ઉમેદવારોની યાદી