VIDEO : ભારતીય મહિલા ઘાઘરા-ચોલી પહેરીની વિદેશની બજારમાં નીકળી, જોઈને લોકો અંજાઈ ગયા!

Rajasthani Woman Wear Ghaghra Choli in Foreign Country : ભારતીય કપડાં એટલા ખાસ છે કે જ્યારે વિદેશીઓ ભારતમાં આવે છે ત્યારે તેઓ ભારતીય કપડાં પહેરવાનો પ્રયાસ કરે છે. તમે ઘણી વિદેશી મહિલાઓને સાડી કે સલવાર સૂટ પહેરેલી જોશો. પરંતુ વિચારો, જો કોઈ ભારતીય મહિલા પરંપરાગત ભારતીય વસ્ત્રોમાં વિદેશ જાય છે, તો તેને જોઈને લોકો શું કરશે? હાલમાં એક મહિલાનો વીડિયો વાયરલ થઈ રહ્યો છે (Indian Woman wear ghaghra choli in foreign), જેમાં તે રાજસ્થાની ઘાઘરા-ચોલી પહેરીને વિદેશમાં ફરતી જોવા મળે છે. વિદેશી યુવતીઓ તેને જોઈને એટલી પ્રભાવિત થઈ ગઈ કે તેણે એવું કામ કર્યું કે જોઈને નવાઈ લાગશે… કારણ કે આવું સામાન્ય રીતે કોઈ કરતું નથી!

Instagram યૂઝર ઢોલી મીણા (@dholimeena007) વિદેશમાં ભારતીય ખાસ કરીને રાજસ્થાની સભ્યતા અને સંસ્કૃતિનો પ્રચાર કરે છે. તે અવારનવાર રાજસ્થાની કપડાં પહેરીને અન્ય દેશોમાં ફરવા જાય છે. થોડા દિવસો પહેલા તેણે યુરોપિયન દેશ માલ્ટામાં એક ફેશન વીકમાં ભાગ લીધો હતો, જેમાં તે ઘાઘરા ચોલી પહેરેલી જોવા મળી હતી. હવે તે બીજા દેશના રસ્તાઓ પર લટાર મારતી જોવા મળે છે.

ભારતીય મહિલાને જોઈને વિદેશીઓ ચોંક્યા

વીડિયોમાં મહિલા રોડ પર ફરતી જોવા મળી રહી છે. વિદેશીઓ તેમની આસપાસ ફરતા જોવા મળે છે. આ દરમિયાન એક વિદેશી મહિલા આવે છે અને તેના કેમેરાથી ઢોલી મીણાના ફોટા લેવાનું શરૂ કરે છે. મહિલાને ઘાઘરા ચોલીનો ડ્રેસ એટલો પસંદ આવે છે કે તે ફોટા પાડ્યા વગર રહી શકતી નથી. ત્યાંથી પસાર થતા લોકો પણ તેને જોઈ રહ્યા છે.

વીડિયો વાયરલ થઈ રહ્યો છે

આ વીડિયોને 5 લાખથી વધુ વ્યૂઝ મળ્યા છે જ્યારે ઘણા લોકોએ કોમેન્ટ કરીને પોતાનો પ્રતિભાવ આપ્યો છે. એકે કહ્યું, "આપણી સંસ્કૃતિ, આપણાં કપડાં આપણી ઓળખ છે." એકે કહ્યું- “આભાર! આ આધુનિક યુગમાં આપણે આપણી ભારતીય સંસ્કૃતિનું સન્માન જાળવવા ઘણું કર્યું છે!” લોકો તેના ખૂબ વખાણ કરી રહ્યા છે.