કેસર કેરીનો હલવો, ખીચડી અને સમોસા… કમલા હૈરિસના સ્ટેટ લંચમાં PM મોદી શું જમ્યા?

વોશિંગ્ટન: વડાપ્રધાન નરેન્દ્ર મોદીનો અમેરિકાનો પ્રવાસ હવે સમાપ્ત થઈ ગયો છે. ગુરુવારે તેમણે અમેરિકાના રાષ્ટ્રપતિના આમંત્રણ પર વ્હાઇટ હાઉસમાં સ્ટેટ ડિનરમાં હાજરી આપી હતી. અહીં અમેરિકાની ફર્સ્ટ લેડી જીલ બાઈડને મોદી માટે શુદ્ધ શાકાહારી ભોજન તૈયાર કરાવ્યું હતું. તે પછી, શુક્રવારે બીજા દિવસે, ઉપરાષ્ટ્રપતિ કમલા હેરિસ અને વિદેશ મંત્રી એન્ટની બ્લિંકનના આમંત્રણ પર, પીએમ મોદી સ્ટેટ લંચમાં હાજરી આપવા પહોંચ્યા. અહીં પણ પીએમ મોદીના ભોજનનું ખાસ ધ્યાન રાખવામાં આવ્યું હતું. પીએમની સામે પીરસવામાં આવતી વાનગીઓ તેમની મનપસંદ વાનગીઓ હતી, જે ખાસ તૈયાર કરવામાં આવી હતી.

PM મોદી માટે સ્ટેટ લંચમાં ખાસ તૈયારી
યુએસ સ્ટેટ ડિપાર્ટમેન્ટના લંચમાં પીએમ મોદીને સમોસા, ખીચડી, કેરીની ખીર, મસાલા ચા પીરસવામાં આવી હતી. જણાવી દઈએ કે પીએમ મોદીને ખીચડી ખૂબ જ પસંદ છે. મોદીને સમોસા પણ પસંદ છે. યુએસ વાઇસ પ્રેસિડેન્ટ કમલા હેરિસ અને સેક્રેટરી ઑફ સ્ટેટ એન્ટની બ્લિંકન દ્વારા આયોજિત લંચ મેનૂમાં ક્લાસિક ભારતીય વાનગીઓ મોદીને પીરસવામાં આવી હતી. આ વાનગીઓ ભારતીય મૂળના શેફ મેહરવાન ઈરાની દ્વારા તૈયાર કરવામાં આવી હતી.

ભારતીય મૂળના શેફે તૈયાર કર્યું લંચ
ઈરાની અમેરિકાના પ્રખ્યાત શેફ અને રેસ્ટોરન્ટના માલિક છે. તેમણે કહ્યું કે, અમેરિકામાં ભારતીય ખોરાક વિશેની ધારણાઓ બદલાઈ રહી છે. મહારાષ્ટ્રના અહમદનગરમાં જન્મેલા અને ઉછરેલા ઈરાની 20 વર્ષની ઉંમરે યુએસ ગયા હતા.

ખાસ તૈયાર કરેલ લંચ
મેનુ ચાર્ટ મુજબ તૈયાર કરેલા સમોસામાં પાલક, કોથમીર-ફૂદીનાના પેસ્ટનો ટેસ્ટ આપવામાં આવ્યો હતો. ખીચડી પણ સ્વાદિષ્ટ બનાવવામાં આવી હતી. તે બાજરી, મસૂર દાળ, મસાલેદાર ભીંડી, દહીં, ફિંગર લાઈમ, બેસનથી બનેલા સોસ સાથે તૈયાર કરવામાં આવ્યું હતું. જ્યારે કેરીના હલવામાં પારલે-જી બિસ્કિટનો ક્રસ્ટ, કેસર કેરી, એલચી, આદુ, રબડી ક્રીમનો ઉપયોગ કરવામાં આવ્યો હતો.

પીએમ મોદીએ ખિચડી ખાધી
લંચનો જે વીડિયો સામે આવ્યો છે તેમાં પીએમ મોદી ખીચડી ખાતા જોવા મળે છે. બાદમાં મહેમાનોએ પીએમ સાથે સેલ્ફી પણ લીધી હતી. બપોરના ભોજન દરમિયાન સંગીતનો કાર્યક્રમ પણ રાખવામાં આવ્યો હતો.