Car Accident: Mamata Banerjee ની કારનો અકસ્માત, માથામાં ઈજા પહોંચી

Mamata Banerjee Car Accident: પશ્ચિમ બંગાળના મુખ્યમંત્રી મમતા બેનર્જી (Mamata Banerjee)ની ગાડીનો અકસ્માત થયો છે. મળતી માહિતી અનુસાર, તેમને માથાના ભાગમાં સામાન્ય ઈજા થઈ છે.

મમતા બેનર્જીની કાર નડ્યો અકસ્માત

મમતા બેનર્જીનો કાફલો જઈ રહ્યો હતો આ દરમિયાન અન્ય કોઈ વાહન સાથે ટક્કર તે માટે અચાનક રોકી દેવામાં આવી હતી. જેના કારણે આ અકસ્માત થયો હતો. ન્યૂઝ એજન્સી ANI અનુસાર, આ અકસ્માત બર્ધમાનથી કોલકાતા પરત ફરતી વખતે થયો હતો. બેનર્જીના કાફલાની સામે અચાનક બીજી કાર આવી અને તેમની કારે તરત બ્રેક લગાવી હતી. મુખ્યમંત્રી ખરાબ હવામાનના કારણે હેલિકોપ્ટરથી મુસાફરી કરી રહી ન હતી.

કોંગ્રેસે શું કહ્યું?

કોંગ્રેસના મહાસચિવ જયરામ રમેશે કહ્યું કે, અમે હમણાં જ સાંભળ્યું છે કે મમતા બેનર્જી કાર અકસ્માતમાં ઘાયલ થયા છે. અમે તે ઝડપથી સ્વસ્થ થાય તેવી પ્રાર્થના કરીએ છીએ. તેમણે વધુમાં કહ્યું કે ભારત જોડો ન્યાય યાત્રા ગુરુવાર (25 January) સવારે પશ્ચિમ બંગાળમાં પ્રવેશ કરશે.

મમતાએ એકલા ચૂંટણી લડવાની જાહેરાત કરી હતી

અગાઉ આજે સવારે લોકસભા ચૂંટણી પહેલા પશ્ચિમ બંગાળમાં વિપક્ષી ગઠબંધન ‘INDIA’ને મોટો ઝટકો લાગ્યો હતો. પશ્ચિમ બંગાળના મુખ્યમંત્રી અને તૃણમૂલ કોંગ્રેસ (TMC)ના વડા મમતા બેનર્જીએ ‘એકલા ચલો’નો નારો આપ્યો. મમતા બેનર્જીએ જાહેરાત કરી છે કે TMC લોકસભા ચૂંટણી એકલા હાથે લડશે. મમતાની આ જાહેરાત સાથે જ વિપક્ષ INDIA ગઠબંધનની તસવીર અને ભવિષ્ય પર સંકટના વાદળો ઘેરાઈ ગયા છે.