શનિદેવને પ્રસન્ન કરવા માટે કરો આ સરળ ઉપાય, જીવનના બધા કષ્ટ અને મુશ્કેલીઓ થઈ જશે દૂર

જ્યોતિષમાં 9 ગ્રહોમાં શનિદેવને સૌથી ક્રૂર અને મહત્વપૂર્ણ માનવામાં આવે છે. શનિદેવ એવા દેવતા છે જે કર્મ પ્રમાણે ફળ આપે છે. જો વ્યક્તિના કાર્યો સારા હોય તો તેને શનિની મહાદશામાં પણ શુભ ફળ મળી શકે છે, નહીં તો શનિદેવની દૃષ્ટિ રાજાને રંક બનાવી દે છે. બીજી તરફ જો શનિ દેવ પ્રસન્ન થાય છે તો તેઓ રંકને પણ રાજા બનાવી દે છે. આજે આપણે જાણીએ શનિદેવને પ્રસન્ન કરવાના ઉપાયો.

દુ:ખોથી ઘેરાઈ જાય છે જીવન

જો શનિદેવની કુદ્રષ્ટિ હોય તો વ્યક્તિને માનસિક, શારીરિક, આર્થિક તમામ પ્રકારની સમસ્યાઓનો સામનો કરવો પડે છે. એકંદરે જીવન દુઃખોથી ભરેલું રહે છે. તેથી શનિદેવને પ્રસન્ન રાખવા ખૂબ જ જરૂરી છે. આ માટે શનિદેવને સમર્પિત શનિવારે એવા કાર્યો કરવાથી બચવું જોઈએ જે તેમને નારાજ કરી શકે છે. ઉદાહરણ તરીકે, વાળ કાપવા, કાળી વસ્તુઓ ખરીદવી, તેલ અથવા મીઠું ખરીદવું, અપંગ વ્યક્તિનું અપમાન કરવું વગેરે.

આ રીતે શનિદેવને કરો પ્રસન્ન

– શનિદેવને પ્રસન્ન કરવા માટે શનિવારે મંદિરમાં પીપળાના ઝાડને જળ ચઢાવો. સરસવના તેલનો દીવો પ્રગટાવો.
– શનિવારે કાગડાને ગુલાબ જાંબુ ખવડાવો.
– શનિવારે શનિ ચાલીસાના પાઠ કરવાથી પણ ઘણો ફાયદો થાય છે.
– શનિવારે કાળા રંગની વસ્તુઓનું દાન કરો. ઉદાહરણ તરીકે, કાળા તલ, કાળા કપડાં, લોખંડની વસ્તુઓ વગેરે. દાનની આ વસ્તુઓ શનિવાર સિવાય અન્ય દિવસે ખરીદો અને પછી શનિવારે દાન કરો.
– શનિવારે કાળા કૂતરાને રોટલીમાં સરસવનું તેલ ખવડાવો, આમ કરવાથી શનિદેવ જલ્દી પ્રસન્ન થઈ જાય છે અને શુભ ફળ આપવા લાગે છે.
– શનિવારે એક વાસણમાં સરસવનું તેલ લો અને તેમાં તમારો ચહેરો જુઓ. પછી તે તેલ અને વાટકી કોઈ જરૂરિયાતમંદને દાન કરો અથવા શનિ મંદિરમાં રાખો. આ રીતે કરવામાં આવેલું છાયાનું દાન શનિદેવના પ્રકોપથી બચાવે છે.
– શનિવારે બજરંગ બલીની પૂજા કરો. હનુમાન ચાલીસા વાંચો. આ કારણે શનિ શુભ ફળ આપવા લાગે છે.

નોંધઃ આ લેખ ફક્ત વાંચકોના રસને ધ્યાનમાં રાખીને શેર કરવામાં આવ્યો છે, તેના સત્ય હોવાની અમે ખાતરી આપતા નથી.