ઓનલાઈન કેરમ ગેમમાં ફસાયો રોહિત, રેશ્માએ કરાવ્યું ધર્મ પરિવર્તન

સહારનપુર: ઉત્તર પ્રદેશના સહારનપુરમાં ATS એ ધર્મ પરિવર્તન કરનારા ત્રણ લોકોની ધરપકડ કરી. અન્ય ધર્મના યુવકોને પોતાની નજીક લાવ્યા બાદ ત્રણેય આરોપીઓ હનીટ્રેપ દ્વારા તેમનું ધર્માંતરણ કરાવતા હતા. આ મામલે વધુ ચોંકાવનારા ખુલાસા થયા છે. આરોપીઓએ જણાવ્યું કે કેવી રીતે તેઓએ ઓનલાઈન કેરમ રમતા રોહિતને ફસાવ્યો.

ધરપકડ કરાયેલા આરોપીઓના નામ નાઝીમ હસન, મોહમ્મદ સાદિક અને અઝહર છે. એટીએસને ભૂતકાળમાં માહિતી મળી હતી કે સહારનપુરના કેટલાક રહેવાસીઓની એક ગેંગ અન્ય ધર્મના લોકોને પોતાની જાળમાં ફસાવીને ધર્મ પરિવર્તન કરવાનું કામ કરી રહી છે. આ પછી, એટીએસે ત્રણેય આરોપીઓની ગતિવિધિઓ પર નજર રાખવાનું શરૂ કર્યું અને જ્યારે ઇન્ટરનેટ પર તેમના દ્વારા ધર્માંતરણને લગતી પોસ્ટ કરેલી સામગ્રીની તપાસ કરવામાં આવી ત્યારે સમગ્ર મામલો સામે આવ્યો.

નાઝીમ દવાઓ આપવા અને વિવિધ રોગો મટાડવાના બહાને લોકોના ઘરમાં ઘૂસી જતો હતો. આ દરમિયાન તેણે સહારનપુરમાં રહેતા એક વ્યક્તિના ઘરમાં ઘુસણખોરી કરી હતી. ત્યારબાદ પુત્ર રોહિતને પોતાની જાળમાં ફસાવી દીધો હતો.

ઓનલાઈન ગેમ્સ દ્વારા હનીટ્રેપમાં ફસાવ્યો
રોહિતને મદરેસામાં બોલાવવામાં આવ્યો અને નમાઝ પઢાવવાની સાથે સાથે રોઝા રાખવાનું પણ શીખવવામાં આવ્યું. ઇસ્લામ કબુલ્યા બાદ નોકરી અપાવીશ તેવી લાલચ પણ આપી હતી. દરમિયાન, તેના કહેવા પર, કર્ણાટકના બેંગલુરુમાં રહેતી રેશ્માએ ઓનલાઈન કેરમ બોર્ડ દ્વારા રોહિત સાથે તેની નિકટતા વધારી. તેણીએ તેને નમાઝ પઢાવવાનું પણ શીખવવાનું શરૂ કર્યું. તેને રોઝા રાખવાનું કહેવાનું શરૂ કર્યું. પછી તેનું ધર્મ પરિવર્તન કરાવી લગ્ન કરાવ્યા.

ત્રણેય આરોપીઓએ ગુનો કબૂલ્યો 
આ કામમાં મો. સાદિક અને અઝહરે પણ ભૂમિકા ભજવી હતી. ત્રણેય આરોપીઓએ એટીએસની પૂછપરછ દરમિયાન પોતાનો ગુનો કબૂલી લીધો છે. રેશ્માની ધરપકડ કરવામાં આવી નથી. વાસ્તવમાં રેશ્માનું સોશિયલ મીડિયા એકાઉન્ટ પાકિસ્તાનથી ચલાવવામાં આવે છે. હાલ આ મામલે તપાસ ચાલી રહી છે.