‘આપણા છોકરા સારી રીતે વર્લ્ડ કપ જીતી જાત, પરંતુ પનોતીએ હરાવી દીધા’, રાજસ્થાનમાં બોલ્યા રાહુલ ગાંધી

Rahul Gandhi Panauti Taunt: કોંગ્રેસ નેતા રાહુલ ગાંધી મંગળવારે ચૂંટણી પ્રચાર માટે રાજસ્થાનના જાલોર પહોંચ્યા હતા. આ દરમિયાન તેમણે વર્લ્ડ કપમાં ટીમ ઈન્ડિયાની હારનો પણ ઉલ્લેખ કર્યો હતો. રાહુલે કહ્યું, આપણા છોકરાઓ સારી રીતે વર્લ્ડ કપ જીતી રહ્યા હતા, પરંતુ પનોતીએ હરાવી દીધા.

રાહુલ ગાંધીએ સભામાં શું કહ્યું?

વાસ્તવમાં રાહુલ ગાંધી જનસભામાં પીએમ મોદીનો ઉલ્લેખ કરીને તેમના પર નિશાન સાધતા હતા. દરમિયાન જાહેર સભામાં કેટલાક લોકોએ પનોતી-પનોતીના સૂત્રોચ્ચાર શરૂ કર્યા હતા. આના પર રાહુલે કહ્યું કે, આપણા છોકરા ત્યાં સારી રીતે વર્લ્ડ કપ જીતી જાત, પરંતુ પનોતીએ તેમને હરાવી દીધા. ટીવીના લોકો આવું નહીં કહે. પણ જનતા જાણે છે. આ પછી રાહુલ ગાંધીએ ફરી પીએમ મોદી પર નિશાન સાધવાનું શરૂ કર્યું.

‘PMને જોઈને ખેલાડીઓ દબાણમાં આવ્યા’

યુપી કોંગ્રેસ અધ્યક્ષે વર્લ્ડ કપમાં ભારતની હારનો દોષ પીએમ મોદી પર નાખ્યો. તેમણે કહ્યું, મોદીને જોઈને ખેલાડીઓ તણાવમાં આવી ગયા હતા. મોદીએ મેચમાં નહોતું જવું જોઈતું. મોદીના કારણે આપણે હારી ગયા. કારણ કે ખેલાડીઓ દબાણમાં હતા. જે હારનું કારણ હતું. જો એટલું જ મનોબળ વધારવું હતું તો વર્લ્ડ કપ પહેલા મળ્યા હોત, તે દિવસે ફાઇનલમાં નહોતું જવું જોઈતું.