પ્રધાનમંત્રી મોદીએ વ્હાઈટ હાઉસમાં આરોગ્યું પ્રાઈવેટ ડિનર, જાણો શું હતુ મેનુ…?

નવી દિલ્હી: વડાપ્રધાન નરેન્દ્ર મોદી અમેરિકાના પ્રવાસે છે. પીએમ બુધવારે વ્હાઇટ હાઉસ પહોંચ્યા હતા. અહીં તેઓ અમેરિકી રાષ્ટ્રપતિ જો બિડેનને મળ્યા હતા. આ દરમિયાન અમેરિકાની ફર્સ્ટ લેડી જીલ બિડેન પણ હાજર હતી. પીએમ મોદીએ અમેરિકી રાષ્ટ્રપતિ દ્વારા આયોજિત ડિનરમાં હાજરી આપી હતી. રાત્રિભોજનમાં બાજરી અને રાષ્ટ્રપતિ બિડેનની મનપસંદ વાનગીઓ પણ સામેલ હતી.

ભોજનમાં રાષ્ટ્રપતિનું મનપસંદ ભોજન પણ સામેલ  
વ્હાઇટ હાઉસે અહેવાલ આપ્યો છે કે રાષ્ટ્રપતિ જો બિડેને વડા પ્રધાન નરેન્દ્ર મોદી માટે ખાનગી રાત્રિભોજનનું આયોજન કર્યું હતું. રાત્રિભોજનમાં રાષ્ટ્રપતિની મનપસંદ વાનગીઓ, આઈસ્ક્રીમ અને પાસ્તા પણ સામેલ હતા. આ દરમિયાન અમેરિકન સુરક્ષા સલાહકાર જેક સુલિવાન અને ભારતીય સુરક્ષા સલાહકાર અજીત ડોભાલ પણ સામેલ હતા.

સ્ટેટ ડિનરમાં શું છે?
પીએમ મોદીને આપવામાં આવેલા ડિનરના પ્રથમ કોર્સ ભોજનમાં મેરીનેટેડ મિલેટ, ગ્રિલ્ડ કોર્ન કર્નલ સલાડ, કોમ્પ્રેસ્ડ તરબૂચ અને ટેન્ગી એવોકાડો સોસનો સમાવેશ થાય છે. જ્યારે મુખ્ય કોર્સમાં સ્ટફ્ડ પોર્ટોબેલો મશરૂમ્સ, ક્રીમી કેસર ઇન્ફ્યુઝ્ડ રિસોટ્ટો શામેલ છે. સુમેક રોસ્ટેડ સી-બાસ, લેમન યોગર્ટ સોસ, ક્રિસ્પ્ડ મિલેટ કેક અને સમર સ્ક્વોશનો પણ સમાવેશ થાય છે.

ભારતીય નૃત્યનું આયોજન
રાષ્ટ્રપતિ જો બિડેન, જીલ બિડેન અને પીએમ મોદી ભારતના વિવિધ પ્રદેશોને સમર્પિત સંગીતનો આનંદ માણે છે. DMV આધારિત જૂથ ધૂમ સ્ટુડિયોના કલાકારો દ્વારા પ્રદર્શન કરવામાં આવ્યું હતું. આ જૂથ નવી પેઢીને ભારતીય નૃત્યની જીવંત સંસ્કૃતિ સાથે જોડવાનો પ્રયાસ કરે છે.