કોન્ડોમના પેકેટથી થયો બ્લાન્ડ મર્ડર કેસનો ખુલાસો, પોલીસના ટ્રેઈની ઓફિસર કરશે આ કેસનો અભ્યાસ

ઉત્તર પ્રદેશ: યુપીના આંબેડકર નગરમાં પોલીસે એક બ્લાઈન્ડ મર્ડર કેસનો ખુલાસો કર્યો છે. આ કેસ હવે પોલીસ વિભાગના તાલીમાર્થી અધિકારીઓ માટે અભ્યાસનો વિષય બનશે. હત્યાકાંડની કેસ સ્ટડી પોલીસ ટ્રેનિંગ સેન્ટર મુરાદાબાદમાં મોકલવામાં આવશે. આ કેસમાં મહત્વની વાત એ હતી કે પોલીસના હાથમાં જે કોન્ડોમનું પેકેટ મળ્યું હતું તે ચોક્કસ બ્રાન્ડનું હતું. જેના કારણે પોલીસ હત્યારા સુધી પહોંચી હતી.

હકીકતમાં, 11 જૂનના રોજ, જિલ્લાના બેવાના પોલીસ સ્ટેશન વિસ્તારમાં બંધ શાળામાંથી 90 ટકા બળી ગયેલી લાશ મળી આવી હતી. પોલીસે ઘણી કોશિશ કરી પણ તેની ઓળખ થઈ શકી નહીં. જો કે, મૃતદેહ પાસે કોન્ડોમનું પેકેટ મળી આવ્યું હતું. જેના કારણે બ્લાઈન્ડ મર્ડર કેસનો પર્દાફાશ થયો હતો. આ પછી પોલીસે હત્યાના આરોપીઓની ધરપકડ કરીને જેલ મોકલી દીધા હતા. પોલીસનું કહેવું છે કે પ્રેમ પ્રકરણના કારણે હત્યા કરવામાં આવી છે.

જણાવી દઈએ કે બેવાના પોલીસ સ્ટેશનના ભીત્રીડીહ ગામમાં સવારે લોકોએ એક સ્કૂલની ખંડેર ઈમારતમાં સળગતી લાશ જોઈ અને પોલીસને જાણ કરી. સ્થળ પર પહોંચેલી ટીમે લોકોની મદદથી સળગતી લાશને બહાર કાઢી હતી. આ પછી જાણવા મળ્યું કે લાશ પુરૂષની છે. ઘટનાની ગંભીરતાને જોતા ફોરેન્સિક ટીમની સાથે ઉચ્ચ પોલીસ અધિકારીઓ પણ ઘટનાસ્થળે પહોંચી ગયા હતા અને નજીકથી નિરીક્ષણ કર્યું હતું.

‘દિલ્હી-એનસીઆર અને પશ્ચિમ યુપીમાં કોન્ડોમ ઉપલબ્ધ હતા’
આ પછી મૃતદેહને પોસ્ટમોર્ટમ માટે મોકલવામાં આવ્યો હતો. જોકે અનેક પ્રયાસો બાદ પણ લાશની ઓળખ થઈ શકી ન હતી. જોકે, ઘટનાસ્થળના પરીક્ષણ દરમિયાન પોલીસને કોન્ડોમનું પેકેટ મળ્યું હતું. આ પછી પોલીસે એ જાણવાનો પ્રયાસ કર્યો કે તે બ્રાન્ડના કોન્ડોમ ક્યાં ઉપલબ્ધ છે. આ અંગે પૂછપરછ કરતાં પોલીસને ખબર પડી કે તે બ્રાન્ડના કોન્ડોમ દિલ્હી-એનસીઆર અને પશ્ચિમ યુપી જિલ્લામાં ઉપલબ્ધ છે.

પોલીસે આ આધારે તપાસ શરૂ કરી
આ પછી, પોલીસને સર્વેલન્સ સેલ દ્વારા જાણવા મળ્યું કે આ જિલ્લાના કયા મોબાઈલ નંબરો સ્થળની નજીક છે. જેમાં 4 નંબર ટ્રેસ થયા હતા અને એક નંબર બંધ મળી આવ્યો હતો જે મૃતકનો હોવાનું કહેવાય છે. જેના આધારે પોલીસે તપાસ શરૂ કરી હતી. પછી ખબર પડી કે સહારનપુરથી ચાર લોકો સર્કસ બતાવવા આવ્યા હતા. પરંતુ તેમાંથી એક ગાયબ છે.

અજબ સિંહને એક આરોપીની બહેન સાથે અફેર હતું
આ ઈનપુટ પર પોલીસે શોધખોળ કરતાં ત્રણેય આરોપીઓ ઝડપાઈ ગયા હતા. પોલીસની પૂછપરછ દરમિયાન જાણવા મળ્યું હતું કે મૃતકનું નામ અજબ સિંહ રંગીલા છે. તેનો પ્રેમસંબંધ એક આરોપી ઈરફાનની બહેન સાથે હતો. વારંવાર ના પાડવા છતાં પણ તે માનતો ન હતો અને સર્કસની કેટલીક વસ્તુઓ પણ વેચી દીધી.

મૃતદેહને ત્યાં રાખેલા લાકડા પર મૂકીને આગ લગાડી દીધી
આનાથી ગુસ્સે થઈને, એક ષડયંત્ર હેઠળ, અજબ સિંહને દારૂ પીવડાવવાના બહાને ખંડેર ઈમારતમાં લઈ જવાયો અને ઈંટો અને પથ્થરોથી કચડીને મારી નાખ્યો. જે બાદ તેની તમામ વસ્તુઓ બહાર કાઢવામાં આવી હતી. તેમાં કોન્ડોમનું પેકેટ પણ હતું. પરંતુ, હત્યારાઓએ તેને ત્યાં ફેંકી દીધું અને લાશને ત્યાં રાખેલા લાકડા પર મૂકીને આગ ચાંપી દીધી.

‘ઉચ્ચ અધિકારીઓએ પોલીસની પ્રશંસા કરી’
આ મામલામાં પોલીસ અધિક્ષક અજીત કુમાર સિન્હાએ કહ્યું કે, ઉચ્ચ અધિકારીઓને કોન્ડોમના પેકેટથી બ્લાઈન્ડ મર્ડરના ખુલાસા અંગે જાણ થઈ. તેમણે આંબેડકર નગર પોલીસની માત્ર પ્રશંસા જ નહીં પરંતુ હત્યાના ઘટસ્ફોટનો કેસ સ્ટડી મુરાદાબાદ પોલીસ સેન્ટરને મોકલવાનું પણ નક્કી કર્યું. જો તેની પરવાનગી મળશે તો તે પોલીસ ટ્રેનિંગ માટે આવતા જવાનોને શીખવવામાં આવશે.