VIDEO: 'હવે અમે તમારી સાથે જ રહીશું, અહીં-ત્યાં નહીં જઈએ...', નીતિશની વાત સાંભળી PM ખડખડાટ હસ્યાં

Nitish Kumar’s promise to PM after flip-flops: પીએમ મોદી બિહારના ઔરંગાબાદ પ્રવાસે છે. આજે તેમણે અનેક પ્રોજેક્ટનું ઉદ્ઘાટન કર્યું છે. આ દરમિયાન બિહારના મુખ્યમંત્રી નીતિશ કુમાર પણ મંચ પર હાજર હતા. તેમણે પોતાના ભાષણમાં કંઈક એવું કહ્યું કે, વડાપ્રધાન પણ ખડખડાટ હસી પડ્યા. નીતિશ કુમારે કહ્યું, 'તમે અહીં પહેલા પણ આવ્યા હતા પરંતુ અમે ગાયબ થઈ ગયા હતા, પરંતુ હવે આમ તેમ નહીં જઉં, તમારી સાથે જ રહીશ.'

નીતીશની વાતોથી સ્ટેજ પર હાસ્યનું મોજું ફરી વળ્યું 

સીએમ નીતીશ કુમારે કહ્યું, "બિહાર આગળ વધે એ અમારી ઈચ્છા છે. તમે રાજ્ય માટે જે કામ કરી રહ્યા છો, સાથે મળીને દરેક વ્યક્તિ સ્વસ્થ થાય અને દરેકે આગળ વધવું જોઈએ. નીતિશે હસતાં હસતાં કહ્યું, "હું ખૂબ ખુશ છું કે આજે વડાપ્રધાન આવ્યા છે અને અમને પૂરો વિશ્વાસ છે કે મોદીજી બિહાર આવતા જ રહેશે. હું આનાથી ખુશ છું." નીતીશ કુમારે વડાપ્રધાન મોદીના 'આ વખતે અમે 400 પાર કરીશું'ના સૂત્રને પણ પુનરોચ્ચાર કર્યો અને કહ્યું, "અમને વિશ્વાસ છે કે આ વખતે તમે ઓછામાં ઓછી 400 સીટો જીતશો. લોકો અહીં અને ત્યાં જે મહેનત કરી રહ્યા છે તેનાથી કંઈ થશે નહીં.નીતીશના ભાષણમાં આવી કેટલી વાતો સામે આવી જેમાં સ્ટેજ પર હાજર લોકો પણ હાસ્ય રોકી ન શક્યા. વડા પ્રધાન નરેન્દ્ર મોદી અને રાજ્યપાલ રાજેન્દ્ર વિશ્વનાથ આર્લેકર પણ ખડખડાટ હસતા દેખાયા.